Свет77

МУС Расіі абвясціла ў вышук амерыканскага сенатара за словы з відэазапісу, які быў адмыслова змантаваны

МУС Расіі абвясціла ў вышук амерыканскага сенатара Ліндсі Грэма па крымінальным артыкуле, а кіраўнік Следчага камітэта Аляксандр Бастрыкін даручыў распачаць крымінальную справу «па факце русафобскіх выказванняў амерыканскага сенатара». Падставай стаў змантаваны аўдыязапіс.

Амерыканскі сенатар Ліндсі Грэм на сустрэчы з Зяленскім. Скрын відэа

Скандал у расійскай прасторы выклікаў відэазапіс сустрэчы з прэзідэнтам Украіны, на якой сенатар Грэм нібыта сказаў, што смерць расейцаў — «найлепшае, на што мы трацілі грошы».

На відэа ёсць такі дыялог на англійскай мове, перадае «Медуза»:

Зяленскі: Free or die (Свабодныя ці мёртвыя).

Грэм: Free or die (Свабодныя ці мёртвыя).

Зяленскі: Now we are free. And we will be (Цяпер мы вольныя. І мы будзем свабоднымі).

Грэм: Yes. And Russians are dying (Так. І расейцы паміраюць).

It's the best money we ever spent (Гэта найлепшае, на што мы трацілі грошы).

Паміж фразамі Грэма пра расейцаў і выдаткі прыкметная мантажная склейка. Пазней офіс прэзідэнта Украіны пацвердзіў Reuters, што запіс быў змантаваны.

У поўнай версіі размовы, з якой азнаёмілася Reuters, Грэм расказвае Зяленскаму, што супраціўленне ўкраінцаў нагадвае яму пра тыя часы, калі амерыканцы змагаліся да апошняга чалавека, «мы хацелі або быць свабоднымі, або памерці». Зяленскі ў адказ кажа, што цяпер амерыканцы вольныя, украінцы таксама будуць вольнымі. Сенатар працягвае: «А рускія паміраюць». «Так, але яны прыйшлі на нашу тэрыторыю. Мы не ваюем на іх тэрыторыі», — адказвае яму прэзідэнт Украіны.

Фраза «Гэта найлепшае, на што мы трацілі грошы», якая ў змантаваным выглядзе стаяла пасля слоў «рускія паміраюць» і выклікала бурную рэакцыю расійскіх уладаў, у гэтай частцы размовы не гучала.

Сам Грэм у пісьмовым каментары, дасланым Reuters, заявіў, што «расійская машына прапаганды, як звычайна працуе на знос», дадаўшы, што «для Злучаных Штатаў дапамога ў вызваленні Украіны ад расійскіх вайсковых злачынцаў стала добрай інвестыцыяй».

Каментары7

  • Беларус
    29.05.2023
    Спасибо Вам, США и Союзники, за ПОМОЩЬ в Освобождении УКРАИНЫ!!! СЛАВА УКРАИНЕ!!! СЛАВА США!!! ЖЫВЕ БЕЛАРУСЬ!!! АЛГА, КАЗАХСТАН!!!
  • Петро
    29.05.2023
    Классика жанра от русских мошенников. Вот так Грэхэм познакомился с распятым мальчиком в трусиках
  • Racyja
    29.05.2023
    I’ve also been donating to ЗСУ and I do confirm that “It's the best money I ever spent”. Long live Belarus

Як здароўе ў Рыгора Кастусёва?

Як здароўе ў Рыгора Кастусёва?

Усе навіны →
Усе навіны

Следчыя Украіны падазраюць супрацоўнікаў МУС у забойстве беларуса Жызнеўскага, якое адбылося 11 гадоў таму4

Сабака любіў у зубах насіць тэлефон. Гэта прывяло да смерці гаспадыні і двух сабак1

З турмы ў ЗША выпусцілі 80-гадовага Леанарда Пелціера — ікону савецкай прапаганды9

Belpol атрымаў спісы членаў выбарчых камісій

Пасля няшчаснага здарэння беларус памёр у палітычнай эміграцыі ў Польшчы2

Трамп абвясціў пра стварэнне мегапраекта па развіцці штучнага інтэлекту. У кампанію ўкладуць паўтрыльёна долараў4

Літоўскі дэпутат: Пашпарт Новай Беларусі не будзе прызнаны сапраўдным на тэрыторыі Літвы20

«Пачаліся фразы, чаму я не на вайне». У Варшаве збілі беларускага таксіста — яго прынялі за ўкраінца15

«А я буду галасаваць за Хіжняка…»1

больш чытаных навін
больш лайканых навін

Як здароўе ў Рыгора Кастусёва?

Як здароўе ў Рыгора Кастусёва?

Галоўнае
Усе навіны →