Muzyčny katałoh Queen moža być pradadzieny za ašałamlalnuju sumu — CNN
Krynica ahienctva CNN nazvała sumu, za jakuju moža być pradadzieny katałoh piesień kultavaha muzyčnaha hurta Queen razam z aŭtarskimi pravami. Hety košt moža stać samym vysokim u historyi prodažaŭ muzyčnych katałohaŭ.
Nieŭzabavie pieśni viadomaha va ŭsim śviecie hurta Queen i naohuł usie raboty muzykalnaha kalektyvu mohuć być pradadzienyja za kaśmičnyja hrošy. Pra heta 28 maja paviedamiła ahienctva CNN sa spasyłkaj na svaju krynicu.
Śćviardžajecca, što pieramovy ab nabyćci katałoha Queen razam z ŭsimi pravami na pieśni hurta ŭžo iduć pamiž kampanijami Universal Music Group i Disney Music Group (jakaja ciapier vałodaje katałoham), a sama ździełka budzie zavieršanaja ciaham adnaho miesiaca.
Krynica śćviardžaje, što košt takoj pakupki moža składać bolš za adzin miljard dalaraŭ.
Kali infarmacyja CNN akažacca praŭdzivaj, to hetaja suma stanie samaj vysokaj, za jakuju kali-niebudź byŭ pradadzieny muzyčny katałoh luboha hurta.
«Niesumnienna, ahulnaja suma ŭ bolš za miljard dalaraŭ za muzyku Queen takaja vysokaja zbolšaha dziakujučy filmu «Bahiemskaja rapsodyja», jaki vyjšaŭ u 2018 hodzie i atrymaŭ premiju «Oskar», tym samym prosta adradziŭšy papularnaść hetaha muzykalnaha hurta», — raskazała nienazvanaja krynica ahienctva CNN.
Brytanski muzykalny hurt Queen — adzin z samych kultavych i papularnych hurtoŭ za ŭsiu historyju rok-n-roła. Dyskahrafija Queen naličvaje 6 kancertnych i 15 studyjnych albomaŭ, pieśni ź jakich zajmali pieršyja miescy ŭ čartach mnohich krain śvietu.
Čytajcie jašče:
Biełaruski hurt, jaki bližej za ŭsich byŭ da «Hremi»
U Botanic Project vyjšaŭ novy albom
Džej Ło, Metallica, Depeche Mode. Samyja čakanyja albomy 2023 hoda
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary