Samalot Air New Zealand. Fota: Mark Baker / AP
Tak avijakampanija budzie źbirać źviestki ab vahavaj nahruzcy i raźmierkavańni vahi ŭ samalotach, paviedamlaje «Ukrainskaja praŭda» sa spasyłkaj na CNN.
«My ŭzvažvajem usio, što znachodzicca na borcie samalota, — ad hruzu da ježy i rečaŭ u bahažnym adsieku. Dla pasažyraŭ, ekipaža i ručnoj pakłažy my vykarystoŭvajem siarednija pakazčyki vahi, jakija atrymlivajem u vyniku hetaha daśledavańnia», — skazaŭ pradstaŭnik avijakampanii Ałaster Džejms.
Tak jak vaha — heta asabistaja infarmacyja, jakuju nie ŭsie chočuć raskryvać, avijakampanija abiacaje ananimnaść danych.
Pry rehistracyi na rejs padarožnikaŭ paprosiać stać na ličbavyja vahi. Infarmacyja ab ich vazie budzie ŭ sistemie, ale nie budzie adlustroŭvacca na ekranie, tamu jaje nie ŭbačać navat rabotniki aeraporta.
Pasažyry taksama buduć raźmiaščać na inšych vahach svoj bahaž.
«My viedajem, što rašycca byvaje składana. My chočam zapeŭnić našych klijentaŭ, što nidzie niama dyspleja. Nichto nie bačyć vašu vahu, navat my», — kaža Džejms.
Raniej avijakampanija ŭžo vyvučała vahu ŭnutranych padarožnikaŭ u 2021 hodzie, ale zbor danych ab zamiežnikach byŭ adkładzieny z-za pandemii.
Čytajcie taksama:
Novaja Ziełandyja zabaraniaje pradavać tytuń tym, kamu mienš za 24 hady
«Sił bolš niama». Premjer-ministr Novaj Ziełandyi Džasinda Ardern abviaściła ab adstaŭcy
U Novaj Ziełandyi čynoŭnikam zabaranili vykarystoŭvać składanyja frazy
a ŭ nas niekali byli pryhožyja Embrajery ad WoT
echch, niama taho, što rańš było...