«Sił bolš niama». Premjer-ministr Novaj Ziełandyi Džasinda Ardern abviaściła ab adstaŭcy
Premjer-ministr Novaj Ziełandyi Džasinda Ardern abviaściła, što sydzie z pasady premjer-ministra Novaj Ziełandyi ŭ nastupnym miesiacy. U emacyjnym vystupie jana pryznałasia, što ŭ jaje bolš niama sił pracavać na hetaj pasadzie, piša Bi-bi-si.
42-hadovaja Ardern skazała, što amal šeść ciažkich hod na miescy premjera mocna jaje vymatali.
Jana sydzie z pasady lidara Lejbarysckaj partyi nie paźniej za 7 lutaha. U blizkim časie adbudziecca hałasavańnie, kab vyznačyć jaje zamienu.
14 kastryčnika ŭ Novaj Ziełandyi projduć usieahulnyja vybary.
Spadarynia Ardern skazała, što abdumvała svaju budučyniu padčas letnich vakacyj.
«Ja spadziavałasia, što znajdu nieabchodnyja siły, kab praciahvać pracavać, ale, na žal, nie znajšła. Ja akažu Novaj Ziełandyi miadźviedžuju pasłuhu, kali budu praciahvać», — skazała jana.
Džasinda Ardern stała samaj maładoj žančynaj — kiraŭnikom urada ŭ śviecie, kali ŭ 2017 hodzie jaje abrali premjer-ministram, tady joj było 37 hadoŭ.
Na hady jaje lidarstva pryjšłosia niekalki nialohkich vyprabavańniaŭ. U tym liku pandemija Covid-19, stralba ŭ miačeci Krajstčerča i vyviaržeńnie vułkana na vostravie Uajt-Ajlend.
Stała viadoma, chto žanich byłoj deputatki Maryi Vacilevič24
Kamientary