Hramadstva1111

Naziralnaja kamisija nie znajšła nijakich parušeńniaŭ u kałonii, dzie ŭtrymlivali Viktara Babaryku

Čatyry členy viciebskaj abłasnoj hramadskaj naziralnaj kamisii pry hałoŭnym upraŭleńni justycyi abłvykankama naviedali 1 červienia navapołackuju papraŭčuju kałoniju №1, u jakoj utrymlivajecca bolš za 100 palitviaźniaŭ, paviedamlaje «Viciebskaja viasna».

Hramadskaja kamisija ŭ časie pravierki kałonii. Fota: vitebskjust.gov.by

Paśla zaviaršeńnia pravierki staršynia kamisii Uładzimir Katašuk vykazaŭ ahulnuju dumku, što ŭ kałonii stvoranyja ŭsie ŭmovy dla ŭtrymańnia asudžanych i ich vypraŭleńnia. Jon taksama zajaviŭ, što padčas kantrolu kamisija nie vyjaviła parušeńniaŭ pravoŭ i zakonnych intaresaŭ asudžanych. Nivodnaj krytyčnaj zaŭvahi im ahučana nie było.

Padčas naviedvańnia kałonii členy kamisii hladzieli ŭmovy pobytu źniavolenych, aceńvali charčavańnie, arhanizacyju pracy, volnaha času, miedyka-sanitarnaha zabieśpiačeńnia, zachavańnie pravoŭ asudžanych na vieravyznańnie. 

U spravazdačy havorycca, što ŭ žyłych błokach abstalavanyja pakoi, u jakich pražyvaje ad 4 da 12 asudžanych. Śćviardžajecca, što hetyja pamiaškańni adpaviadajuć sanitarna-hihijeničnym normam.

Toje samaje datyčyć charčabłoka, dzie jość chlebny, varačny, myjny cechi. Pavodle siabroŭ kamisii, pamiaškańni i abstalavańnie znachodziacca ŭ čyścini, a sanapracoŭka pravodzicca štodzień.

Dobra adhukajucca siabry kamisii i nakont miedsančaści sa stamatałahičnym, fizijaterapieŭtyčnym, renthienaŭskim kabinietami, a taksama izalataram na 30 kojka-miescaŭ. Paviedamlajecca, što pasłuhi vuzkich miedycynskich śpiecyjalistaŭ asudžanyja atrymlivajuć u Navapołackaj centralnaj haradskoj balnicy.

U časie naviedvańnia navapołackaj kałonii naziralnikaŭ supravadžaŭ namieśnik načalnika ŭpraŭleńnia Departamienta vykanańnia pakarańniaŭ MUS pa Viciebskaj vobłaści Kaciuruba.

Tym časam heta rezka razychodzicca sa śviedčańniami palitviaźniaŭ, jakija prajšli praz navapołackuju kałoniju. Błohier Alaksandr Kabanaŭ, jaki vyjšaŭ na volu ŭ śniežni 2022 hoda, raspaviadaŭ, jak praź nievynosnyja ŭmovy ŭtrymańnia i cisk z boku administracyi byŭ vymušany rezać sabie ruki. Jon taksama adznačaŭ biesčałaviečnaje staŭleńnie da viaźniaŭ z boku miedycynskich rabotnikaŭ kałonii.

U sakaviku tam siabie parezaŭ błohier Ihar Łosik. Jamu pryhrazili, što źmieściać u ŠIZA, za admovu «zajmacca pryborkaj pamiaškańnia». Łosik u adkaz demanstratyŭna ŭ prysutnaści inšych asudžanych lazom parezaŭ sabie ruku i šyju.

Mienavita ŭ navapołackaj kałonii ŭtrymlivali Viktara Babaryku da momantu jaho raptoŭnaj špitalizacyi. Paviedamlałasia, što 27 krasavika jon znachodziŭsia ŭ Navapołackaj centralnaj haradskoj balnicy. Z taho momantu infarmacyi pra jaho miescaznachodžańnie i stan zdaroŭja niama.

U mai ŭ Navapołacku prajšli zatrymańni daktaroŭ u balnicy, kudy pryvozili Babaryku.

Kamientary11

  • dočka Maksima Dizajniera
    04.06.2023
    a možiet etu komiśsiju nado było ostaviť v tiech usłovijach chotia by na sutki?
    kak i čto nie okunuvšiś, tak skazať, možno poniať?
  • mikola
    04.06.2023
    Ne znaisli ? I ni znoiduc parusennjau ! Akuljary lepei adzeli by !
  • Jurist
    04.06.2023
    Ej, provieriajuŝije, skoro sami tam sidieť budietie, vot tohda i provieritie...
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Miarkujučy pa pasažyraabarocie transpartu, nasielnictva Biełarusi z 2019-ha skaraciłasia, moža, navat na 1,2 miljona čałaviek

Miarkujučy pa pasažyraabarocie transpartu, nasielnictva Biełarusi z 2019-ha skaraciłasia, moža, navat na 1,2 miljona čałaviek

Usie naviny →
Usie naviny

Žančyna zajmałasia seksam z budysckimi manachami, a paśla šantažavała ich12

Biełaruski školny nastaŭnik raskazaŭ, kolki zarablaje na fiermie ŭ Niderłandach

MZS Litvy nakiravała Biełarusi notu pratestu z-za rasijskaha drona

«Heta chleb ci klej?»: žycharka Baranavičaŭ aburyłasia jakaściu pradukcyi chlebazavoda9

Trybuna stadyjona budučaha supiernika minskaha «Dynama» ŭ jeŭrakubkach nazvana ŭ honar futbalista, jaki pamior padčas matča

Adkaznaść za zabojstva pałkoŭnika SBU Varoniča ŭ Kijevie ŭziała na siabie nieanacysckaja hrupoŭka «Baza»3

«Ja nie bačyŭ ničoha takoha»: jak lalki Labubu prynieśli šalony prybytak3

Na Brestčynie zamiest adnaŭleńnia kaścioła ŭ majontku Ažeškaŭ šukajuć tych, chto dapamoža pazbavić jaho achoŭnaha statusu10

Minskaje «Dynama» vylecieła z kvalifikacyi Lihi čempijonaŭ u pieršym raŭndzie2

bolš čytanych navin
bolš łajkanych navin

Miarkujučy pa pasažyraabarocie transpartu, nasielnictva Biełarusi z 2019-ha skaraciłasia, moža, navat na 1,2 miljona čałaviek

Miarkujučy pa pasažyraabarocie transpartu, nasielnictva Biełarusi z 2019-ha skaraciłasia, moža, navat na 1,2 miljona čałaviek

Hałoŭnaje
Usie naviny →

Zaŭvaha:

 

 

 

 

Zakryć Paviedamić