Prapahanda znajšła vinavatych u čerhach pad škołaj u Novaj Baravoj
U škołu ŭ «Novaj Baravoj» siońnia vystraiłasia čarha z baćkoŭ. Raźbiracca na miesca pryjechali čynoŭniki i prapahandysty.
Što zdaryłasia? U «Škołu budučyni», što ŭ Novaj Baravoj, svaich dziaciej chočuć zapisać mnohija baćki. Adnak kolkaść miescaŭ dla pieršakłaśnikaŭ abmiežavanaja — 150. Zapis pačniecca ŭ paniadziełak. Kab trapić u lik hetych ščaśliŭčykaŭ, baćki pačali dziažuryć pad škołaj jašče na vychodnych i samastojna składać śpis pa žyvoj čarzie.
U niadzielu tudy pryjechali namieśnica načalnika ŭpraŭleńnia pa adukacyi Minskaha rajvykankama Natalla Michadziuk i namieśnica dyrektara pa vučebnaj rabocie škoły №1 v. Kopišča Śviatłana Jankovič.
Videa vizitu vykłała «Minskaja praŭda» ŭ svoj telehram-kanał.
«A jak vy arhanizavalisia, voś mnie cikava?» — pytaje prydzirliva adna z čynoŭnic.
Dziaržaŭnaje vydańnie «Prystaličča» piša:
«Pakul baćki čakali pieraklički, jakaja pravodzicca kožnuju hadzinu, nam udałosia daviedacca, chto staŭ inicyjataram u arhanizacyi čarhi. Jak vyjaviłasia, jany ž i viaduć śpis čarhavikoŭ. Ich składana było b znajści ŭ hetym natoŭpie, kali b nie ich čorny miniven, da jakoha ŭsie padychodziać ŭ pačatku kožnaj hadziny.
Spytajecie: dla čaho? Adkaz prosty: tak zvanyja vierchavody zapisvajuć proźviščy baćkoŭ budučych pieršakłašak, a taksama pryznačajuć im svoj indyvidualny numar».
Dziaržaŭnaja presa nie zabyłasia ŭpiknuć i mikrarajon:
«Nahadajem, u 2020 hodzie Novaja Baravaja stała rassadnikam bčb-simvoliki i pratesnych pohladaŭ. Miascovyja žychary hanili ŭłady i adkryta niehatyŭna vykazvalisia suprać dziaržavy, a taksama isnaj sistemy adukacyi, nazyvajučy jaje ideałahizavanaj. Pry hetym u pryvatnyja škoły, niahledziačy na hučnyja łozunhi, svaich dziaciej nichto nie pavioŭ».
Heta zaviedama chłuślivaja infarmacyja: praktyčna ŭsie pryvatnyja škoły ŭ Biełarusi byli zakrytyja za 2021-2022 hady, vyklučeńnie zrabili dla darahoj škoły ŭ Drazdach, jakuju źviazvajuć ź Irynaj Abielskaj.
Natalla Michadziuk patłumačyła, što śpis, jaki składajuć ludzi samastojna, nie moža być dakumientam, a pryjom u škołu pačniecca zaŭtra.
Što da 150 miescaŭ na škołu, to jana apisała situacyju:
«U studzieni my pravodzili ŭsienavuč. Tak, my vyśvietlili, što tut pražyvajuć 150 dziaciej va ŭzroście 6 hadoŭ, jakija mohuć u hetym hodzie pajści ŭžo ŭ 1-y kłas u hetuju ŭstanovu adukacyi, a pra astatnich my jašče nie viedajem. Z zaŭtra pačniom źbirać novuju infarmacyju, budziem bačyć, kolki ŭsiaho tut pražyvaje dziaciej va ŭzroście 6-7 hadoŭ. Pastarajemsia dać miesca ŭsim, ale nielha zabyvać i pra materyjalna-techničnyja ŭmovy škoły».
Kamientary
pobieditielem,
I lesov i polej povielitielem.
Pokorilisia źvieri usatomu.
(Čtob jemu provaliťsia,
proklatomu!)
A on mieždu nimi pochaživajet,
Zołočienoje briucho pohłaživajet:
«Priniesitie-ka mnie, źvieri,
vašich dietušiek,
Ja siehodnia ich za užinom
skušaju!»
Bratki i siastryčki, heta adno adzin, nia zvyš technalahičny, ale mahčymy sposab navuki. Nia ja vynachodnik, ale kožny ministar adukacyi, što ŭ miłaj vašamu sercu sacyjalistyčnaj eŭropcy, što ŭ savieckaj biełoruśsii honić dzietak ŭ betonny hmach škoły.
Voś jakija dzivosy na śviecie!