Грамадства1818

Прапаганда знайшла вінаватых у чэргах пад школай у Новай Баравой

У школу ў «Новай Баравой» сёння выстраілася чарга з бацькоў. Разбірацца на месца прыехалі чыноўнікі і прапагандысты.

Фота: pristalica.by

Што здарылася? У «Школу будучыні», што ў Новай Баравой, сваіх дзяцей хочуць запісаць многія бацькі. Аднак колькасць месцаў для першакласнікаў абмежаваная — 150. Запіс пачнецца ў панядзелак. Каб трапіць у лік гэтых шчасліўчыкаў, бацькі пачалі дзяжурыць пад школай яшчэ на выходных і самастойна складаць спіс па жывой чарзе.

У нядзелю туды прыехалі намесніца начальніка ўпраўлення па адукацыі Мінскага райвыканкама Наталля Міхадзюк і намесніца дырэктара па вучэбнай рабоце школы №1 в. Копішча Святлана Янковіч.

Відэа візіту выклала «Мінская праўда» ў свой тэлеграм-канал.

«А як вы арганізаваліся, вось мне цікава?» — пытае прыдзірліва адна з чыноўніц.

Дзяржаўнае выданне «Прысталічча» піша:

«Пакуль бацькі чакалі пераклічкі, якая праводзіцца кожную гадзіну, нам удалося даведацца, хто стаў ініцыятарам у арганізацыі чаргі. Як выявілася, яны ж і вядуць спіс чаргавікоў. Іх складана было б знайсці ў гэтым натоўпе, калі б не іх чорны мінівэн, да якога ўсе падыходзяць ў пачатку кожнай гадзіны.

Спытаеце: для чаго? Адказ просты: так званыя верхаводы запісваюць прозвішчы бацькоў будучых першаклашак, а таксама прызначаюць ім свой індывідуальны нумар».

Фота: pristalica.by

Дзяржаўная прэса не забылася ўпікнуць і мікрараён:

«Нагадаем, у 2020 годзе Новая Баравая стала рассаднікам бчб-сімволікі і пратэсных поглядаў. Мясцовыя жыхары ганілі ўлады і адкрыта негатыўна выказваліся супраць дзяржавы, а таксама існай сістэмы адукацыі, называючы яе ідэалагізаванай. Пры гэтым у прыватныя школы, нягледзячы на гучныя лозунгі, сваіх дзяцей ніхто не павёў».

Гэта заведама хлуслівая інфармацыя: практычна ўсе прыватныя школы ў Беларусі былі закрытыя за 2021-2022 гады, выключэнне зрабілі для дарагой школы ў Драздах, якую звязваюць з Ірынай Абельскай.

Наталля Міхадзюк патлумачыла, што спіс, які складаюць людзі самастойна, не можа быць дакументам, а прыём у школу пачнецца заўтра.

Што да 150 месцаў на школу, то яна апісала сітуацыю:

«У студзені мы праводзілі ўсенавуч. Так, мы высветлілі, што тут пражываюць 150 дзяцей ва ўзросце 6 гадоў, якія могуць у гэтым годзе пайсці ўжо ў 1-ы клас у гэтую ўстанову адукацыі, а пра астатніх мы яшчэ не ведаем. З заўтра пачнём збіраць новую інфармацыю, будзем бачыць, колькі ўсяго тут пражывае дзяцей ва ўзросце 6-7 гадоў. Пастараемся даць месца ўсім, але нельга забываць і пра матэрыяльна-тэхнічныя ўмовы школы».

Каментары18

  • Чуковский
    11.06.2023
    Вот и стал Таракан
    победителем,
    И лесов и полей повелителем.
    Покорилися звери усатому.
    (Чтоб ему провалиться,
    проклятому!)
    А он между ними похаживает,
    Золоченое брюхо поглаживает:
    «Принесите-ка мне, звери,
    ваших детушек,
    Я сегодня их за ужином
    скушаю!»
  • Acab
    11.06.2023
    А ці магчыма запхаць ў кампутар лепшага выкладчыка ў дысцыпліне)? Мо кампутары замалыя? Ці можа ён, скурчаны ў цеснаце манітору вучыць адначасова анляйн N чалавек? Колькі каштавацьме такое навучаньне ад аднае вучнёўскае патыліцы?
    Браткі і сястрычкі, гэта адно адзін, ня звыш тэхналягічны, але магчымы спосаб навукі. Ня я вынаходнік, але кожны міністар адукацыі, што ў мілай вашаму сэрцу сацыялістычнай эўропцы, што ў савецкай белоруссіі гоніць дзетак ў бэтонны гмах школы.
    Вось якія дзівосы на сьвеце!
  • дочка Максима Дизайнера
    11.06.2023
    Satan воурэмя свалиу )

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць

Усе навіны →
Усе навіны

Следчы камітэт палохае наступствамі за святкаванне Дня Волі14

Атакаваная газавымяральная станцыя «Суджа» ў Курскай вобласці7

Каралеву бурлеску ўсёй Масквы збілі 8 сакавіка проста падчас выступу4

У 45 гадоў памёр начальнік з Ленінскага РАУС Магілёва12

Чаму мы ўлюбляемся? Навукоўцы абвяргаюць стэрэатыпы16

185 гадоў таму нарадзіўся Францішак Багушэвіч — адзін з пачынальнікаў новай беларускай літаратуры2

У Беларусі ствараюць «адукацыйны хаб не горшы за Гарвард». Што гэта будзе?8

Сяброўка Веры Паляковай-Макей спрабуе прадаць элітны салон прыгажосці больш чым за мільён даляраў23

Трамп ліквідаваў міністэрства адукацыі ЗША67

больш чытаных навін
больш лайканых навін

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць

Галоўнае
Усе навіны →

Заўвага:

 

 

 

 

Закрыць Паведаміць