Na samicie NATA ŭ Vilni Ukrainie mohuć dać harantyi «siarednija pamiž tymi, što atrymlivali Finlandyja i Izrail» — prezident Čechii
Prezident Čechii Petr Paveł, hienierał u adstaŭcy i staršynia vajskovaha kamiteta NATA ŭ 2015-2018 hadach, u intervju «Radyjo Svaboda» prakamientavaŭ mahčymyja harantyi NATA Ukrainie.
«Ja čuŭ pra dva, skažam tak, typy abo scenary harantyj [NATA Kijevu]. Adzin — takija ž harantyi, jakija byli dadzienyja Finlandyi: ad idei dałučeńnia da NATA da ratyfikacyi. Inšy — [niešta nakštałt] harantyj biaśpieki dla Izraila. Imavierna, my ŭbačym niešta siaredniaje.
Ale dla mianie harantyjaj budzie navat toje, što my prosta zafiksujem na papiery, što my ŭžo robim dla Ukrainy, i zrobim heta svajho rodu doŭhaterminovym płanam», — skazaŭ jon.
Jon adznačyŭ, što bačyć Ukrainu ŭ jakaści budučaha siabra ES. Jon źviazvaje heta z paślavajennym adnaŭleńniem Ukrainy.
«Ja navat mahu ŭjavić sabie niejki Płan Maršała dla Ukrainy, jaki nie tolki dazvoliŭ by Ukrainie chutka raźvivacca, likvidavać škodu, naniesienuju vajnoj, ale i staŭ by srodkam ustupleńnia ŭ ES. Tamu što akazańnie takoj šyrokaj padtrymki ŭ šerahu abłaściej papraŭdzie ŭjaŭlaje saboj taksama nabor praviłaŭ, jakija pavinny być uličanyja, kab zrabić heta pravilna. Heta budzie praces navučańnia z abodvuch bakoŭ. Kab lubaja kraina-pretendent ustupiła ŭ ES, jana pavinna vykanać šerah umoŭ, paśladoŭna dasiahnuć šerahu metaŭ. I ich možna efiektyŭna vykarystać u pracesie rekanstrukcyi.
Tak što kali razhladać heta takim paralelnym čynam, ja liču, što pierśpiektyva siabroŭstva ŭ ES pavinna być vielmi jasnaj jak dla Ukrainy, tak i dla ES. I ja ščyra vieru, što heta budzie dobra dla abodvuch bakoŭ».
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary