Papiarednim rasśledavańniem Viciebskaha adździeła ŭnutranych spraŭ na transparcie raspačata sprava pa č. 1 art. 14 i č. 1 art. 223 Kryminalnaha kodeksa ŭ dačynieńni da 44‑hadovaj žycharki Viciebska, muzyčnaha kiraŭnika dziciačaha sadka.
Jak paviedamili BiełaPAN va ŭpraŭleńni ŭnutranych spraŭ na transparcie MVD Biełarusi, žančyna była zatrymana 19 listapada ŭ pamiaškańni mahazina Biełaruskaj čyhunki. Parušajučy ŭstanoŭlenyja praviły ab ździełkach z kaštoŭnymi mietałami i kamianiami, jana sprabavała pradać biespracoŭnaj miascovaj žycharcy za 790 tys. rubloŭ dva załatyja łancužki vahoj 2,46 h i 3,32 h, kułon vahoj 1,67 h i zavušnicu dla pirsinhu vahoj 2,05 h biez prabirnaha klajma Respubliki Biełaruś.
Padčas vobysku doma ŭ zatrymanaj kanfiskavana 45 załatych vyrabaŭ vahoj 127,6 h na sumu 17 młn. 868 tys. rubloŭ.
0
0
0
0
0
0
