U Polščy źbirajucca pravieści refierendum adnosna pryjomu mihrantaŭ
Polski Siejm prahałasavaŭ suprać rezalucyi ab miechaniźmie ES pa raźmierkavańni nielehalnych mihrantaŭ pa terytoryi Jeŭrasajuza. Za pastanovu prahałasavali 242 deputaty, suprać — piać, 34 deputaty ŭstrymalisia ad hałasavańnia, pra heta paviedamlaje «Polskaje radyjo».
Prajekt pastanovy padrychtavała kiroŭnaja partyja «Prava i spraviadlivaść» (PiS). Jaje aŭtary nie zhodnyja z tym, «što polskaja dziaržava pavinna nieści sacyjalnyja i finansavyja vydatki pamyłkovych rašeńniaŭ inšaj krainy — siabra Jeŭrasajuza».
Premjer-ministr Matevuš Maraviecki zajaviŭ, što mihracyjny pakt — heta dyktat, i polski ŭrad nie zhadžajecca na nielehalnuju mihracyju i štrafy za nieprymańnie mihrantaŭ.
Lidar PiS Jarasłaŭ Kačynski padčas dyskusii ŭ Siejmie nakont pastanovy ES ab raźmierkavańni mihrantaŭ abviaściŭ, što ŭ Polščy budzie praviedzieny refierendum pa pierasialeńni mihrantaŭ.
Na minułym tydni pry supraciŭleńni Polščy i Vienhryi ministry ŭnutranych spraŭ krain ES pryniali mihracyjny pakt. Bałharyja, Malta, Litva i Słavakija ŭstrymalisia.
Pahadnieńnie ŭvodzić pryncyp abumoŭlenaści: albo krainy pahodziacca pryniać mihrantaŭ, jakija dabirajucca na poŭdzień Jeŭropy praź Mižziemnaje mora, albo buduć płacić kala 20 tysiač jeŭra za kožnaha niedapuščanaha.
Maraviecki: Polšča nie dapuścić prymusovaha pierasialeńnia mihrantaŭ
U Litvie abychodžańnie ź nielehalnymi mihrantami pryznali niekanstutycyjnym, ale čynoŭniki śćviardžajuć, što inakš nie dali b rady
Režym Łukašenki sprabavaŭ dać ahniastrelnuju zbroju nielehalnym mihrantam dla napadu na pamiežnikaŭ ES — Pamiežnaja słužba Łatvii
Čamu Cichanoŭskaja nie pajechała na pachavańnie Papy?19
Kamientary
A jak nakont svabody vybaru krainami?..
$20,000 štraf za adnaho čałavieka?