Artykuł «Seksualnaje vychavańnie ŭ Šviecyi» vyklikaŭ dyskusiju na sajcie nn.by. Aŭtar błohu, ź jakoha byŭ pieradrukavany artykuł, vyrašyŭ adkazać usim, chto śćviardžaje, byccam by, nieŭzabavie šviedy źniknuć jak nacyja.
Uzrovień naradžalnaści ŭ Šviecyi letaś byŭ rekordnym za apošnija 15 hadoŭ. Indeks naradžalnaści skłaŭ 1,91 dziciaci na žančynu. (Centralnaje statystyčnaje biuro).
 |
Ličycca, što dla paŭnavartasnaha demahrafičnaha adnaŭleńnia hety indeks maje składać 2,1 dziciaci na žančynu. U 2008 hodzie ŭ Šviecyi naradzilisia 109 301 dzicia, što na 1880 bolš, čym u 2007 hodzie. U Biełarusi ŭ minułym hodzie naradziłasia 107 910 tys. dziaciej. Dadam, što ŭ Šviecyi žyvie na 400 tys. mienš žycharoŭ, čym u Biełarusi.
Dziciačaja śmiarotnaść u Šviecyi (jak i ŭ Narviehii, Finlandyi i Isłandyi) adna z samych małych u śviecie. Na tysiaču narodžanych pamiraje 4. U Biełarusi — 14!!!
Bolšaść dziaciej u siemjach naradžajucca ŭ poŭnych siemjach, tamu što bolš 75% šviedaŭ chočuć žyć u šlubie, nieistotna — aficyjnym ci hramadzianskim.
Šviedskaja siamja atrymlivaje ad dziaržavy kala 1 tys. kron u miesiac (kala 395 tys. biełaruskich rubloŭ) na kožnaje dzicia (ad momantu naradžeńnia da 16 hadoŭ albo zakančeńnia škoły. U Biełarusi maładym baćkam pry naradžeńni dziciaci robiccca adzinačasovaja vypłata ŭ pamiery 5 biudžetaŭ pražytkovaha minimumu, na siońnia — 1250000 rub., da troch hadoŭ na kožnaje dzicia płaciać kala 80% ad minimalnaha pražytkovaha minimumu, kali dzicia vychoŭvajecca ŭ doma — kala 200 tys. rub., i kala 50% ad MPM, kali dzicia vychoŭvajecca ŭ dziciačym sadku — nn.by).
Siemji, u jakich hadujecca bolš troch dziaciej, karystajucca dadatkovymi dziaržaŭnymi subsidyjami. Dekretny adpačynak u Šviecyi praciahvajecca 12 miesiacaŭ (šeść miesiacaŭ dla mamy i šeść — dla taty). Tamu z baćkoŭ, chto siadzić ź dziciom doma, vypłočvajecca 80% papiaredniaha zarobku.
Jak tolki dziciaci spaŭniajecca hod, jašče ciaham 90 dzion toj z baćkoŭ, jaki praciahvaje zastavacca z małym, atrymlivaje dapamohu ŭ pamiery 60-ci kron u dzień.
A ci jość u Šviecyi prablema samotnych maci? Mamy jość, a prablem niama. Kali mužčyna admaŭlajecca ad baćkoŭstva, to pa zajavie žančyny jon pavinien prymusova prajści analiz na baćkoŭstva. Kali analiz stanoŭčy, to baćka abaviazany płacić alimienty ŭ dziaržaŭnuju kaznu, a ŭžo adtul adpaviednyja słužby nakiroŭvajuć hrošy maci. Kali, naprykład, žančyna ad samaha pačatku chacieła sama vychoŭvać dzicia, jana i tak atrymaje hodnuju dapamohu ad dziaržavy.
Za hod u krainie adbyvajecca kala 33 tys. abortaŭ. U Biełaruś za 2008 hod było zroblena amal 39 tys. abortaŭ.
