Biełaruś užo pavialičyła z 1 lutaha 2023 hoda taryfy na pasłuhi pa tranzicie nafty praz svaju terytoryju na 9%.
Paśla hetaha «Transnafta», jak vynikaje ź lista, paviedamiła pradpryjemstvu «Homieltransnafta Družba» pra mahčymaść pazapłanavaha źmianieńnia taryfaŭ, kali ŭmovy pracy biełaruskaj kampanii istotna paŭpłyvajuć na jaje vytvorčyja i finansavyja pakazčyki i jana adpravić «Transnafcie» finansavuju spravazdaču za I kvartał hetaha hoda, faktyčnyja abjomy prapampoŭki i płany transparciroŭki na 2023 hod.
«Adnak varta kanstatavać, što ŭ składzie pieradadzienych AAT «Homieltransnafta Družba» materyjałaŭ pa pazapłanavym pierahladzie taryfaŭ faktyčna adsutničaje finansavaja i buchhałtarskaja spravazdačnaść za I kvartał 2023 hoda, jakaja paćviardžaje ŭźniknieńnie strat pa tranzicie nafty rasijskaha pachodžańnia praz terytoryju Respubliki Biełaruś», — padkreślivajuć u «Transnafcie».
Dachodaŭ biełaruskaha boku ad tranzitu rasijskaj nafty pa paŭdniovaj halincy «Družby» dastatkova dla biasstratnaj dziejnaści ŭ hetym kirunku, jak padkreślivaje «Transnafta». Razam z tym taryf prapampoŭki pa paŭdniovaj halincy naftapravoda na 25,2% vyšejšy, čym pa paŭnočnaj, što razhladajecca rasijskimi naftavikami jak «pierakryžavanaje subsidavańnie» vydatkaŭ, skazana ŭ liście.
Što tyčycca pytańnia kampiensacyi vydatkaŭ ekspłuatacyi paŭnočnaj halinki «Družby», to jano pavinna abmiarkoŭvacca za košt uzhadnieńnia pavyšeńnia taryfu z adpraŭnikami nafty z Kazachstana, čyja syravina prapampoŭvajecca ŭ Hiermaniju.
«Uličvajučy vykładzienaje, PAO «Transnafta» nie ŭzhadniaje prapanovu AAT «Homieltransnafta Družba» ab pavieličeńni z 1 lipienia 2023 hoda taryfaŭ na pasłuhi pa transparciroŭcy (tranzicie) nafty pa mahistralnych trubapravodach, raźmieščanych na terytoryi Respubliki Biełaruś, na 84%»,
— padsumoŭvaje «Transnafta», dadajučy, što pamier taryfaŭ pavinien być vyznačany ŭ ramkach vyznačanaj mietodyki.
Čytajcie taksama:
Rasija nie zhodnaja z prapanavanym Biełaruśsiu pavyšanym taryfam prapampoŭki nafty pa «Družbie»
Z 1 červienia Biełaruś pavysić ekspartnyja pošliny na naftu i naftapradukty
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)