Fota: Minabarony Rasii
Jak paviedamlajecca, hety samalot — adzin z nośbitaŭ hipierhukavych rakiet «Kinžał» — vykonvaŭ navučalny palot biez bojekamplekta.
Da miesca padzieńnia skiravanyja pošukava-vyratavalnyja atrady.
Paźniej stała viadoma, što incydent adbyŭsia nad akvatoryjaj Avačynskaha zaliva la ŭschodniaha bieraha Kamčatki. Hety vypadak — druhaja dla Minabarony Rasii u hetym hodzie strata bajavoha samalota pa-za ŭkrainskim frontam. 26 krasavika taki ž źniščalnik-pierachopnik MiH-31 upaŭ u Mančahorsku Murmanskaj vobłaści. Samalot tady zahareŭsia ŭ pavietry, piłoty paśpieli katapultavacca.
Letaś samaloty rasijskich VKS padali jak minimum šeść razoŭ. MiH-31 paciarpieŭ krušeńnie ŭ Prymorskim krai ŭ Alaksiejeŭcy, u Irkucku na pryvatny dom zvaliŭsia Su-30, taksama na poŭdni Rasii ŭpali Su-24, Su-25 i dva Su-34. Asabliva kryvavym staŭ epizod krušeńnia ŭ Jejsku Rastoŭskaj vobłaści, dzie paśla padzieńnia samalota na žyły dom zahinuli 15 čałaviek.
Čytajcie taksama:
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)