Viktar Babaryka, mierkavana, znachodzicca ŭ PKT kałonii №1 Navapołacka — «Biełpoł»
Eks-pretendent u prezidenty, były staršynia praŭleńnia Biełhazprambanka Viktar Babaryka ŭtrymlivajecca ŭ pamiaškańni kamiernaha typu papraŭčaj kałonii №1 (Navapołack). Jaho stan zdaroŭja zdavalniajučy, adnaŭlajecca paśla atrymanych traŭmaŭ, jak paviedamlaje abjadnańnie byłych siłavikoŭ «Biełpoł».
Ciapier staŭleńnie da jaho z boku administracyi kałonii narmalnaje, «presavać» Viktara Babaryku bajacca z pryčyny arhanizavanaj demakratyčnaj supolnaściu infarmacyjnaj kampanii ŭ jahonuju padtrymku, jak zajaŭlajuć u abjadnańni.
Paviedamlajecca taksama, što idzie pravierka nakont źlivu infarmacyi pra cialesnyja paškodžańni eks-palityka.
***
Pra Viktara Babaryku, asudžanaha na 14 hadoŭ kałonii, ničoha nie viadoma dva z pałovaj miesiaca. Miarkujučy pa najaŭnaj infarmacyi, u noč z 24 na 25 krasavika jaho špitalizavali ŭ balnicu Navapołacka.
12 maja ad pravaabaroncaŭ źjaviłasia infarmacyja, što da svajho atrada ŭ navapołackaj kałonii jon nibyta ŭžo nie prypisany, a paśla — pra toje, što jaho nibyta pieraviali ŭ turemnuju balnicu pry SIZA-1 u Minsku. Paśla hetaha nijakich źviestak nie pastupała.
17 maja adbyłosia masavaje zatrymańnie miedykaŭ u Centralnaj haradskoj balnicy Navapołacka — akurat toj, kudy dastavili byłoha pretendenta na pasadu prezidenta i adkul padpolny «Rabočy ruch» atrymaŭ infarmacyju pra jaho špitalizacyju. Mnohim miedykam dali ad 10 da 15 sutak. Niekatorym vypisali štrafy.
U pryvatnaści, viadoma, što chirurha Michaiła Pačkoŭskaha i ŭrołaha Paŭła Stalmakova aryštavali na 15 sutak, zahadčycu adździaleńnia hiniekałohii Irynu Vasiljevu i fielčarku chutkaj dapamohi Natallu Piervianionak — na 10 sutak, a śpiecyjalistku UHD Ału Stalmakovu aštrafavali na 100 bazavych (3700 rubloŭ).
Potym miedykaŭ zvolnili za prahuły, jak paviedamlaŭ telehram-kanał «Biełyja chałaty».
Syn Viktara Babaryki Eduard chadajničaŭ, kab baćku vyklikali ŭ jakaści śviedki na sud, ale eks-bankir, chutčej za ŭsio, u sudzie tak i nie źjaviŭsia.
Razam z tym varta adznačyć, što paśla źjaŭleńnia čutak pra śmierć inšaha palitviaźnia — Siarhieja Cichanoŭskaha — na nastupny dzień praŭładnyja telehram-kanały apublikavali videa ź jaho ŭdziełam. Pra Babaryku — maŭčok.
Kiraŭnik Biełhazprambanka vyłučyŭ svaju kandydaturu na prezidenckija vybary 2020 hoda i sabraŭ rekordnuju kolkaść podpisaŭ vybarcaŭ. Sacyjałahičnyja daśledavańni pakazvali, što jon maje samy vysoki rejtynh siarod usich kandydataŭ. Adnak u červieni 2020 hoda łukašenkaŭcy jaho aryštavali, a Centrvybarkam admoviŭ jamu ŭ rehistracyi ŭ jakaści kandydata.
U Viktara Babaryki moža być złamana rabro i prabita lohkaje — Kabanaŭ
Na Vaładarcy Babaryki niama, jon «u Kaladzičach». Tak adkazali ŭ SIZA-1
Viktara Babaryku mahli pieravieści ŭ balnicu minskaha SIZA — što heta kaža pra jaho zdaroŭje?
Babaryka bolš nie prypisany da atrada — pravaabaroncy
Usich zatrymanych miedykaŭ u Navapołacku zvolnili pa artykule za prahuły — «Biełyja chałaty»
Jaŭhien Dudkin patłumačyŭ, čamu staŭ sakretnym ahientam KDB12
Kamientary