Pravaabaronca i nobieleŭski łaŭreat Aleś Bialacki pracuje ŭ kałonii na drevaapracoŭcy. Pra heta paviedamiła «Viaśnie» jahonaja žonka Natalla Pinčuk.
«Pa listach nastroj Alesia nielha nazvać aptymistyčnym, chacia, moža, ja tak usprymaju… Jon sprabuje tranślavać dla mianie, što byccam u jaho ŭsio narmalna. Ale ja razumieju, nakolki heta moža być «narmalna» ŭ ciapierašnich umovach turmaŭ.
Dy i byłyja źniavolenyja jašče da 2020 hoda śviedčyli, što ŭ kałonii № 9 vielmi žorstkija ŭmovy, raspaviadali, jak nackoŭvajuć «kryminalny elemient» na palityčnych viaźniaŭ, pra źbivańnie ŭ dušavych…
Aleś pieražyvaje, kab ja nie chvalavałasia za jaho. U asnoŭnym u listach jon uzhadvaje, jak žyli raniej i situacyi z volnaha žyćcia. Źmiest jahonych listoŭ niešyroki».
Siońnia roŭna dva hady, jak byli zatrymany pravaabaroncy Aleś Bialacki, Valancin Stefanovič i Uładź Łabkovič. 3 sakavika 2023 hoda Bialackaha asudzili na 10 hadoŭ, Stefanoviča — na 9 hadoŭ, Łabkoviča — na 8 vosiem hadoŭ kałonii.
Stała viadoma, chto žanich byłoj deputatki Maryi Vasilevič26
Kamientary