U minskim CUMie ciapier buduć handlavać jašče na adnym paviersie
Pra pašyreńnie handlovych płoščaŭ u minskim CUMie havaryli padčas apieratyŭnaj narady ŭ Minharvykankamie 17 lipienia, paviedamlaje ahienctva «Minsk-Naviny».
Nadbudoŭvać novy pavierch da budynka, praŭda, nie buduć, ale, pavodle infarmacyi hienieralnaha dyrektara ŭniviermaha Alaksieja Sokała, najbližejšym časam va ŭniviermahu adkryjucca handlovyja płoščy na cokalnym paviersie. Adkryćcio prymiarkujuć da Dnia rabotnikaŭ handlu, jaki ŭ Biełarusi adznačajuć u apošniuju niadzielu lipienia.
«U chodzie rekanstrukcyi častka składskich pamiaškańniaŭ była pierapłanavanaja pad handlovuju zału z ulikam padvyšanych patrabavańniaŭ, — paviedamiŭ Alaksiej Sokał. — Heta zała z sučasnym interjeram, u joj zmantavanyja sistemy aśviatleńnia, kandycyjanavańnia i videanazirańnia. Takim čynam, CUM — heta ŭžo nie piać, a šeść pavierchaŭ handlovych załaŭ, sfarmiravanych pa spažyvieckim pryznačeńni».
Kamientary