Handal aficyjna abaviazali mieć u prodažy asartymientny minimum tavaraŭ
Ministerstva antymanapolnaha rehulavańnia i handlu ŭviało pramuju normu, jakaja praduhledžvaje abaviazak subjektaŭ handlu zabiaśpiečyć najaŭnaść u prodažy abaviazkovaha minimumu tavaraŭ za košt pradukcyi ajčynnaj vytvorčaści i tavaraŭ z krain JEAES. Pra heta paviedamlaje pres-słužba viedamstva sa spasyłkaj na pastanovu №43 ad 22 červienia 2023 hoda.
Dakumientam taksama karektujucca terminy abaviazkovaj najaŭnaści ŭ prodažy śviežaj płodaaharodninnaj pradukcyi (bulba, morkva, buraki stałovyja, kapusta biełakačannaja, cybula repčataja, jabłyki) z ulikam siezona ŭradžaju i mižsiezonnaha pieryjadu, na praciahu jakoha zabiaśpiečvajecca vykarystańnie stabilizacyjnych fondaŭ tavaraŭ.
Pastanova № 43 nabyvaje moc praź miesiac paśla jaje aficyjnaha apublikavańnia.
Kamientary