Ihar Strałkoŭ-Hirkin. Fota: AP Photo/Alexander Zemlianichenko, Pool
Ciapier Strałkoŭ (Hirkin) znachodzicca ŭ SIZA «Lafortava», jak piša RIA «Novosti». Strałkoŭ admoviŭsia razmaŭlać z pravaabaroncami, dadaje rasijskaje dziaržaŭnaje ahienctva.
Pa słovach adkaznaha sakratara staličnaj Hramadskaj naziralnaj kamisii Alaksieja Mielnikava, błohier znachodzicca ŭ dvuchmiesnaj kamiery, u jaho jość televizar i chaładzilnik, jon užo skarystaŭsia biblijatekaj.
Raniej žonka Ihara Strałkova (Hirkina) pisała, što suprać jaho vystaŭleny abvinavačańni pavodle artykuła 282 KK RF (ekstremizm).
Błohi Strałkova (Hirkina) stali papularnymi paśla taho, jak jon pieršy staŭ davać nieprycharošanuju infarmacyju z frantoŭ i krytykavać rasijskaje kamandavańnie i ŭłady. Jon staŭ u šerahi «Kłuba razzłavanych patryjotaŭ». Apošnim časam jaho krytyka Pucina stała radykalnaj.
Čytajcie taksama:
U Rasii zatrymali błohiera i byłoha ministra abarony «DNR» Ihara Strałkova (Hirkina) — RBK
