Siońnia ŭ Miunchienie pačynajecca sudovy praces nad 89‑hadovym Ivanam (Džonam) Dziemjaniukom, jaki słužyŭ u SS padčas Druhoj suśvietnaj vajny .U vypadku niespryjalnaha dla Dziemjaniuka vyraku jaho mohuć pryhavaryć da 15 hadoŭ turmy, pieradaje radyjostancyja «Echo Moskvy».
Ivan Dziemjaniuk (ukrainiec pavodle nacyjanalnaści) słužyŭ u Čyrvonaj armii, na pačatku vajny patrapiŭ u pałon da niemcaŭ i pierajšoŭ na ich bok, potym słužyŭ u vojskach słužby achovy łahieraŭ SS. Viadoma, što jon byŭ achoŭnikam u kancłahierach Treblinka, Sabibor i Majdanek na terytoryi Polščy, a taksama ŭ niamieckim Fluseborhu. Tam byli źniščanyja sotni tysiač ludziej.
Dziemjaniuk byŭ viadomy asablivaj žorstvaściu, za što
atrymaŭ mianušku Ivan Hrozny.
Paśla vajny jon pierajechaŭ ŭ ZŠA, dzie atrymaŭ novaje hramadzianstva i pašpart. Dziemjaniuka ŭžo sudzili za vajennyja złačynstvy ŭ Izraili i ZŠA, paśla jaho departavali ŭ Miunchien. U vieraśni 2009 hoda Lvoŭskaja abłasnaja rada pryniała zvarot da prezidenta Ukrainy Viktara Juščanki i premjer‑ministra Julii Cimašenka z prośbaj zastupicca za Dziemjaniuka. Sam padazravany nie pryznaje siabie vinavatym.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio44
Kamientary