«Biaśsille pierad artyleryjaj — samaje ciažkaje pačućcio». Z-vajenkary pryznajuć, što rasijskaja armija nie daje rady artyleryi NATA
USU viarnulisia da taktyki vymotvańnia rasijskich sił artyleryjaj paśla niaŭdač u kontrnastupleńni. Ukraina vykarystoŭvaje techničnuju adstałaść praciŭnika i adsutnaść udaraŭ u adkaz z-za roznaj dalokaści artyleryi, paviedamlaje The Moscow Times.
Niahledziačy na zapeŭnieńni ministra abarony Siarhieja Šajhu ab 71% sučasnaj zbroi, armija RF prajhraje haŭbicam NATA, što pryznajuć rasijskija vajenkary.
Ab prablemach piša kamandzir bataljona «Uschod» Alaksandr Chadakoŭski: «Samaje składanaje — žyć biez narmalnaj «kontrbatarejki» […] Biaśsille pierad artyleryjaj — samaje ciažkaje pačućcio».
Z-kanał «Dva majora» paviedamlaje, što 90% paranienych i zabitych u rasijskaj armii źjaŭlajucca praz artyleryju, prablemy vostra stajać na ŭčastkach, dzie pieravažaje zachodniaja artyleryja.
Naprykład, na Arechaŭskim kirunku — «Msta-B» (dalokaść — 28 km) prajhraje amierykanskaj haŭbicy M-777 (dalokaść — bolš za 44 km).
Kanał «Vojennyj informator» piša pra raźvitaść spadarožnikavaj raźviedki Zachadu na fonie ŭbohaści spadarožnikaŭ «Raskosmasa», efiektyŭnyja kontrbatarejnyja sistemy AN/TPQ-36 (ZŠA) na fonie adzinkavych kompleksaŭ «Zaapark». Aŭtar kanała miarkuje, što ab projhryšy ŭ artyleryi NATA Minabarony RF viedała dziesiacihodździami, ale ničoha nie zrabiła.
I ŭ budučyni parytetu ŭ dalokaści nie pradbačycca. «Rastech» anansuje źjaŭleńnie kołavaj haŭbicy «Malva», ale jaje pryłada — 152-mm haŭbica 2A64, identyčnaja «Msta-B», jakaja prajhraje zachodnim uzoram u dalokaści na tracinu. Anałahičnaja francuzskaja 155-mm SAU Caesar zakidaje snarad na 40 km, słavackaja SAU Zuzana 2 — na 41 km, niamieckija samachodki PzH 2000 — da 36—47 km.
Zajaŭlenyja mahčymaści abiacanaj «Rastecham» SAU «Koalicija-SV» paraŭnalnyja z Caesar, ale jaje vyprabavańni viaducca druhi dziasiatak hadoŭ, i na vajnie jaje niama.
Situacyja dla Rasii nastolki sumnaja, što Minabarony RF i Z-kanały raźličvajuć na dapamohu Paŭnočnaj Karei. Kanał «Kaprał» piša, što vojsku RF nie pieraškodzili b jaje haŭbicy z dalokaściu kala 40—70 km — 170-mm «Kaksany», upieršyniu pradstaŭlenyja na paradzie ŭ Pchieńjanie jašče ŭ 1985 hodzie.
Kamientary
U vyniku tanki BT-5 byli całkam bieskarysnymi suprać T-IV
A straty T-34-76 ŭ paraŭnańni z T-VI Tiger pad čas kurskaj bitvy byli prosta žudasnymi, T-34-85 ŭsio roŭna prynamsi ŭ 1.5 razy sastupaŭ novym niamieckim tankam pa dalokasci stralby.
To bok raźlik zaŭsiody rabiŭsia na zerg-rush, kali navat vialikija straty nie pieraškodziać dabracca da varožych pazicyj i pieramahčy ŭ baju faktyčna pramoj navodkaj
I kali technalohii zrabili zachodniuju zbroju nia tolki vysokadakładnaj i dalnabojnaj, ale i dosyć skarastrelnaj - atrymałasia, što rasiejski padychod daje treščynu.