«Z hetaj knižkaj dzieci zmohuć viesieła vučyć biełaruskuju i anhlijskuju movy»
Siarhiej Kalenda napisaŭ kazku pra pryhody małoha Tomčyka, jakaja dapamoža ŭ vyvučeńni dźviuch moŭ.
Redaktar časopisa Minkult Siarhiej Kalenda napisaŭ kazku pra pryhody viasiołaha Tomčyka. Hałoŭny hieroj maje całkam realny pratatyp: im staŭ małodšy syn aŭtara — Tomas. Ideja napisańnia kazki naležyć mienavita Tomčyku:
«Kožny viečar my čytajem kazki pierad snom, i niejak Tomas prapanavaŭ prydumać svaju. Tak źjaviŭsia hety prajekt».
Siarhiej adznačaje, što siužety historyj padkidvała samo žyćcio — treba było tolki nazirać za maleńkim synam. Tak sabrałosia siem zabaŭnych apaviadańniaŭ, jakija i lahli ŭ asnovu zbornika.
Staronki knihi zachaplajuć čytačoŭ ilustracyjami ad talenavitaj mastački Maryi Šendziel, a sam tekst — dvuchmoŭny. Prajekt raspracovany tak, kab zajmalnyja apaviadańni i jarkija vyjavy pryciahvali ŭvahu dziaciej i natchniali ich na čytańnie i vyvučeńnie dźviuch moŭ — biełaruskaj i anhlijskaj.
Kazka vyjšła tyražom 500 ekzemplaraŭ. Nabyć jaje možna na sajcie vydaviectva Gutenberg.
-
«Ci možna ich karmić marozivam?» Źjaviłasia knižka pra toje, što jaduć žyvioły
-
«Ciapier takija knihi čytaješ z peŭnym ździŭleńniem». Biełaruski aŭtafikšn u skandynaŭskich dekaracyjach
-
«Boty — boty — boty — boty ruchajucca z tupatam! Adpačynku niama na vajnie!» Apakaliptyčny vierš navodzić žach na tyktok
«Chavali adny biercy». Stała viadoma, čamu žychar Rečycy pajšoŭ vajavać suprać Ukrainy19
Kamientary