U jakim by horadzie krainy vy ni znachodzilisia, varta vybracca na pryrodu — dalej ad ahnioŭ načnoha horada, jakija naŭmysna aśviatlajuć nieba i pazbaŭlajuć atmaśfiery ramantyki. Takim čynam vy zmožacie ŭbačyć usiu pryhažość źjavy i zahadać samyja zapavietnyja (i nie tolki) žadańni, raić Tochka.by.
U 2023-m hodzie navukoŭcy abiacajuć aktyŭnuju fazu «zornaha daždžu» bližej da ranicy (la piaci hadzin abo na pačatku śvitańnia), tak što zaviadzicie budzilnik abo ŭvohule nie kładziciesia spać.
Budzilnik zaviedzieny i čakaje vašych aktyŭnych dziejańniaŭ, a śpis žadańniaŭ składzieny abo vyvučany na pamiać.
Ciapier čas prystupić da zboru «ekipiroŭki»: vaźmicie z saboj termas z mocnaj kavaj ci harbataj, miakki pled, ciopłuju vopratku i, viadoma, pryjemnuju kampaniju (darečy, vydatnaja nahoda zaprasić abjekt vašaj simpatyi na spatkańnie).
Zarapad možna budzie ŭbačyć niaŭzbrojenym vokam. Prosta hladzicie na paŭnočny ŭschod, dzie ŭ hety čas i raźmieścicca Piersiej. Paśla apoŭnačy suzorje padymiecca vysoka nad haryzontam, a paśla prajavicca va ŭsioj svajoj vieličy. Ale dla hetaha pryjdziecca nabracca ciarpieńnia: nie vyklučana, što čakać pryjdziecca šmat.
I jašče adzin dovad na karyść nazirańnia za zarapadam 12 žniŭnia: pavodle danych Mižnarodnaj mieteornaj arhanizacyi, apošni raz takaja aktyŭnaść Piersieidaŭ była zafiksavana ŭ 2004-m hodzie.
