U rasijskich Vialikich Łukach śviatar aśviaciŭ adkryćcio pomnika Stalinu. I heta nie žart
U cyrymonii adkryćcia pomnika Iosifu Stalinu, jakaja prajšła dniami ŭ Vialikich Łukach, udzielničali śviatary i adzin ź ich aśviaciŭ manumient, paviedamlaje telehram-kanał «Rańšie vsiech. Nu počti».
Heta navina, jakaja moža vyhladać jak žart IA «Panarama», ale heta praŭda.
Darečy, «Panarama» adreahavała na heta navinoj pra toje, što pomnik Stalinu pravaliŭsia pad ziamlu ŭ padziemnuju raku Ramanaŭskaja.
Tym časam Vialikałuckaja jeparchija pačała słužbovuju pravierku z-za śviataroŭ, jakija «biez błasłavieńnia i ŭzhadnieńnia ź jeparchijalnym upraŭleńniem» udzielničali ŭ adkryćci pomnika Iosifu Stalinu.
U jeparchii taksama zajavili, što dziejańni śviataroŭ nie byli vykazvańniem pazicyi RPC, adlustroŭvali asabistyja pohlady i pierakanańni.
Adzin sa śviataroŭ na adkryćci pomnika zajaviŭ, što choć Stalin i represavaŭ šmat śviataroŭ, zatoje jany atrymali novych šanavanych mučanikaŭ.
Pavodle danych uradavaj kamisii pa reabilitacyi achviar palityčnych represij, tolki ŭ 1937 hodzie było aryštavana 136 900 pravasłaŭnych śviataroŭ i carkoŭnasłužycielaŭ, ź ich rasstralana 85 300; u 1938 hodzie aryštavana 28 300, rasstralana 21 500; u 1939 hodzie aryštavana 1500, rasstralana 900; u 1940 hodzie aryštavana 5100…
-
«Baimsia, što jaje nie vypuściać ź Biełarusi». Baćki minskich padletkaŭ raskazali, jak škoły kantralujuć płany pastupleńnia ich dziaciej
-
«Čałaviek, zaniaty lubimaj spravaj, nie stareje». Biełarus robić u Polščy rycarskija daśpiechi pa 15 tysiač jeŭra
-
«Zachvareŭ? Idzi ŭ chram». Andrej Lemiašonak raskazaŭ, jak zaražaŭ ludziej na Vialikdzień 2020 hoda
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary