У расійскіх Вялікіх Луках святар асвяціў адкрыццё помніка Сталіну. І гэта не жарт
У цырымоніі адкрыцця помніка Іосіфу Сталіну, якая прайшла днямі ў Вялікіх Луках, удзельнічалі святары і адзін з іх асвяціў манумент, паведамляе тэлеграм-канал «Раньше всех. Ну почти».
Гэта навіна, якая можа выглядаць як жарт ІА «Панарама», але гэта праўда.
Дарэчы, «Панарама» адрэагавала на гэта навіной пра тое, што помнік Сталіну праваліўся пад зямлю ў падземную раку Раманаўская.
Тым часам Вялікалуцкая епархія пачала службовую праверку з-за святароў, якія «без блаславення і ўзгаднення з епархіяльным упраўленнем» удзельнічалі ў адкрыцці помніка Іосіфу Сталіну.
У епархіі таксама заявілі, што дзеянні святароў не былі выказваннем пазіцыі РПЦ, адлюстроўвалі асабістыя погляды і перакананні.
Адзін са святароў на адкрыцці помніка заявіў, што хоць Сталін і рэпрэсаваў шмат святароў, затое яны атрымалі новых шанаваных мучанікаў.
Паводле даных урадавай камісіі па рэабілітацыі ахвяр палітычных рэпрэсій, толькі ў 1937 годзе было арыштавана 136 900 праваслаўных святароў і царкоўнаслужыцеляў, з іх расстраляна 85 300; у 1938 годзе арыштавана 28 300, расстраляна 21 500; у 1939 годзе арыштавана 1500, расстраляна 900; у 1940 годзе арыштавана 5100…
-
Насупраць ЗАГСа Савецкага раёна Мінска адкрылася тэматычная зона адпачынку «Шлях да шчасця»
-
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА
-
Расіяніну, які п'яным пабіўся з ахоўнікамі мінскага метро, вынеслі прысуд
Цяпер чытаюць
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?2
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары