Za abrazu Łukašenki buduć sudzić piensijanierku z Šumilinskaha rajona. Praz dva tydni joj spoŭnicca 65
64-hadovuju Zoju Baranavu vinavaciać u kamientarach, raźmieščanych u internecie. Suprać žycharki vioski Hrudzinava raspačali adrazu dźvie kryminalnyja spravy — za abrazu Alaksandra Łukašenki (č. 1 art. 368 KK) i za abrazu pradstaŭnika ŭłady (art. 369 KK).
Žančynu zatrymali sioleta ŭ studzieni, ale pra pieraśled jaje stała viadoma tolki paśla taho, jak nad joj pryznačyli datu suda. Pasiadžeńnie pryznačana na 29 žniŭnia, sudzić piensijanierku budzie sudździa Šumilinskaha rajsuda Alena Sinickaja.
Pieršapačatkova Zoju Baranavu zatrymali pavodle administracyjnaha artykuła (č. 2 art. 19.11 KaAP) — za reposty tak zvanych «ekstremisckich materyjałaŭ» i padpiski ŭ sacyjalnych sietkach na infarmacyjnyja resursy, pryznanyja «ekstremisckimi». Supracoŭniki milicyi zabrali ŭ žančyny mabilny telefon, i znojdzienyja tam źviestki stali padstavaj užo nie dla administracyjnaj, a dla kryminalnaj spravy.
Praz dva tydni Zoi Baranavaj maje spoŭnicca 65 hadoŭ. Heta ŭžo druhi vypadak na Viciebščynie, kali suprać žančyny stałaha vieku raspačynajuć kryminalnuju spravu za abrazu Łukašenki dy pradstaŭnikoŭ ułady. Letaś da dvuch hadoŭ pazbaŭleńnia voli była asudžana byłaja nastaŭnica biełaruskaj movy Ema Ściepulonak ź Mioraŭ. Na momant zatrymańnia joj było 68 hadoŭ.
Vyjšła na svabodu Antanina Kanavałava, davieranaja asoba Cichanoŭskaj u 2020 hodzie1
Kamientary