U Minsku na vychadnyja pierakryjuć častku praśpiekta Pieramožcaŭ
U pieršyja vychadnyja vieraśnia ŭ Minsku budzie pierakrytaja častka praśpiekta Pieramožcaŭ. Źviazana heta z zamienaj asfaltabietonnaha pakryćcia, papiaredzili ŭ staličnaj Dziaržaŭtainśpiekcyi.
Z 22:00 piatnicy, 1 vieraśnia, da 22:00 suboty, 2 vieraśnia, abmiažujuć ruch usich vidaŭ transpartu, za vyklučeńniem hramadskaha, pa źjezdach-zajezdach niacotnaha boku raźviazki praśpiekta Pieramožcaŭ na ŭčastku ad miažy Minska da vulicy Ratamskaj, a taksama pa levaj krajniaj pałasie na ŭčastku ad vulicy Ratamskaj da zavułka Vieśninka.
Z 22:00 suboty, 2 vieraśnia, da 22:00 niadzieli, 3 vieraśnia, ruch na hetym učastku budzie zakryty dla ŭsich vidaŭ transpartu. U DAI ŭdakładnili, što zakrytyja ŭčastki možna abjechać pa vulicach Cimirazieva i Ratamskaj.
Akramia taho, aŭtamabilistaŭ prosiać z razumieńniem pastavicca da ramontnych rabot i, kab paźbiehnuć zatoraŭ, zahadzia vybirać maršrut.
Kamientary