Adychod temy PVK «Vahnier» na druhi płan nie aznačaje, što pra jaje zabylisia ŭ Polščy — daradca Dudy
«Nielha nijakim čynam niedaaceńvać taho, što adbyvajecca ŭ Biełarusi i ŭ Rasii», — kaža Marcin Pšydač.
Polski bok sočyć za situacyjaj i hatovy raspačać patrebnyja kroki ŭ vypadku nieabchodnaści. Pra heta ŭ efiry Polskaha radyjo raspavioŭ kiraŭnik biuro mižnarodnaj palityki prezidenta Polščy Marcin Pšydač, paviedamlaje Reform.by.
«Nielha nijakim čynam niedaaceńvać taho, što adbyvajecca ŭ Biełarusi i ŭ Rasii. I hetaja śmierć niekalkich kamandziraŭ u cełym nie vyrašaje prablemu, a jašče bolš uskładniaje. Mohuć pačacca roznyja ŭnutranyja [ruchi], užo pačynajucca niejkija ŭnutranyja ruchi, rost napružańnia», — skazaŭ jon.
Ź jahonych słoŭ, vahnieraŭcy nie sychodziać z paradku dnia, navat kali pradstaŭniki polskich uładaŭ kažuć pra PVK apošnim časam nie tak časta.
«Peŭnaha rodu niestabilnaść, chutčej, narastaje, čym spadaje. Pa-druhoje, palityka Uładzimira Pucina i Alaksandra Łukašenki nijakim čynam nie źmianiłasia.
Toje, što my apošnija paru dzion nie kazali pra heta tak časta, nie aznačaje, što tam nie viadziecca roznaja padrychtoŭka, płany, analizy. My ŭ vielmi dalikatnym pieryjadzie, dalikatnym u kožnaj demakratyi: zaŭsiody pieryjad vybarčaj kampanii i pieryjad paśla jaje, farmiravańnie ŭrada — heta peŭny momant niestabilnaści. Ale my, jak Polšča, analizujem hetuju situacyju, hladzim, nazirajem, my hatovyja i ŭpeŭnienyja ŭ tym, što zmožam adreahavać na roznyja pahrozy», — skazaŭ jon.
U kancy žniŭnia ministry ŭnutranych spraŭ Polščy, Litvy i Łatvii ŭzhadnili miechanizmy zakryćcia miažy ź Biełaruśsiu na fonie źjaŭleńnia hrupy «Vahnier» u našaj krainie. Aŭtamabilnyja i čyhunačnyja punkty propusku mohuć być začynienyja ŭ vypadku ŭzbrojenaha incydentu na miažy abo sproby masavaha praryvu mihrantaŭ.
Naŭsieda naviedaŭ litoŭska-biełaruskuju miažu: «situacyja ź niepradkazalnym susiedam zastajecca napružanaj»
Litva nazvała jašče pierachody, jakija mohuć zakryć, i dva krytery, pa jakich całkam zakryjuć miažu ES ź Biełaruśsiu
Zakryćcia hranic pakul nie budzie, kanfrantacyja spała. Spytali ŭ ekśpiertaŭ, ci možna havaryć pra pačatak adlihi pamiž Minskam i ES
Naŭsieda: Poŭnaje zakryćcio miežaŭ hublaje aktualnaść
Ciapier čytajuć
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii20
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1616
Kamientary