Ministerstva justycyi Łatvii padrychtuje zakonaprajekt, jaki zabaraniaje znachodžańnie ŭ Łatvii zarehistravanych u Biełarusi i Rasii transpartnych srodkaŭ. Pra heta paviedamlajuć łatvijskija miedyja sa spasyłkaj na ministra justycyi Inese Libinia-Ehniere.
Kiraŭnik łatvijskaha Miniusta patłumačyła, što, kali na praciahu troch miesiacaŭ transpartny srodak nie budzie pierarehistravany abo vyviezieny z Łatvii, jon budzie kanfiskavany.
«Kali transpartnyja srodki z ruskimi i biełaruskimi numarami nie buduć svoječasova pierarehistravanyja, mahčyma, ich mohuć kanfiskavać na karyść Ukrainy, jakaja padtrymlivaje svajo vojska na pieradavoj», — padkreśliła ministr.
U Łatvii patłumačyli, što zakonaprajekt padrychtavany na bazie tłumačeńniaŭ Jeŭrakamisii, zhodna ź jakimi rečy, što byli nabytyja ŭ Rasii i padpadajuć pad sankcyjnyja miery, u tym liku aŭtamabili, smartfony i noŭtbuki, zabaronienyja da ŭvozu na terytoryju krain ES.
Zapłanavanyja ŭ Łatvii źmieny taksama praduhledžvajuć zabaronu na transpartnyja srodki, zarehistravanyja ŭ Biełarusi, z ulikam sankcyj, uviedzienych ES suprać Biełarusi.
«Luby hość, jaki pryjazdžaje ŭ Łatviju, musić pavažać zakony i paradak našaj krainy. Pierasiačeńnie miažy Jeŭrasajuza na transpartnym srodku, zarehistravanym u Rasii, i, takim čynam, znachodžańnie ŭ Łatvii, zjaŭlajecca parušeńniem sankcyj. Kali transpartnyja srodki z rasijskimi i biełaruskimi numarami nie byli svoječasova pierarehistravanyja, nie vyklučana, što jany mohuć być kanfiskavanyja na karyść Ukrainy, jakaja padtrymlivaje jaje armiju na pieradavoj», — padkreśliła ministr justycyi.
Raniej Łatvija i inšyja krainy Bałtyi zabaranili ŭjezd u krainu zarehistravanych u Rasii aŭtamabilaŭ. Pra mašyny na biełaruskich numarach takich mier nie było.
Na parłamienckich vybarach u Francyi pieramahajuć ultrapravyja z Maryn Lo Pen. Partyja Makrona treciaja3
Kamientary