10 śniežnia pravaabaroncy mielisia adznačać 61‑ia ŭhodki Suśvietnaha dnia pravoŭ čałavieka. Napačatku jany chacieli zamović tramvaj, kab jeździć pa horadzie i tłumačyć ludziam hetuju važnuju datu, razdajučy žycharam stalicy Dekłaracyju ab pravach čałavieka.
Tramvaj nie dali, tady paprasili aŭtobus.
Haradskija słužby napačatku pahadzilisia, ale na padjeździe da Čyhunačnaha vakzała, dzie mieła pačacca akcyja, aŭtobus z kiroŭcam zatrymali.
Ciapier pravaabaroncy, najpierš siabry Biełaruskaha Chielsinkskaha kamiteta, pradstaŭniki ABSIE, a taksama pasoł Šviecyi Stefan Eryksan, piśmieńnik Uładzimir Arłoŭ, vi‑džej Kacia Pytleva (usiaho 25—30 čałaviek) stajać na Pryvakzalnaj płoščy. Jaduć tort i tym samym śviatkujuć uhodki pryniaćcia Usieahulnaj dekłaracyi ab pravach čałavieka.
***
«Mabyć, vypadkova tramvaj złamaŭsia i vypadkova kiroŭcu aŭtobusa spynili i pavieźli ŭ RAUS, — dypłamatyčna kamientuje Stefan Eryksan z uśmieškaju na tvary. — Samaje hałoŭnaje, što śviata adbyłosia. Dobra, što Biełaruś, taksama jak i va ŭsim śviecie, adznačaje hetaje śviata. Škada, što nie atrymałasia jak płanavali arhanizatary. Pra pravy čałavieka patrebna nahadvać ludziam kožny hod i kožny dzień. Nie treba ŭsprymać heta jak dadzienaje na zaŭždy.
Ja liču, i ŭ Biełarusi i ŭ Šviecyi byvajuć prablemy z parušeńniem pravoŭ čałavieka. U nas taksama jość ludzi, jakija padajuć skarhi i sudziacca i dakazvajuć, što byli parušany ich pravy. Dumaju, što ŭ Biełarusi dzieści jość momanty, dzie možna palepšyć hety stan. I samaje važnaje nahadać prostym ludziam i ŭładzie, što jość taki dzień i jość takaja reč, jak pravy čałavieka i ich treba abaraniać».
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła23
Kamientary