Na aŭkcyjonach pradali dźvie kanfiskavanyja kvatery Alaksandra Azarava
Achvotnikaŭ zabrać čužoje žyllo było niašmat — usiaho troje pretendentaŭ na dźvie kvatery.
Jak raskazaŭ «Našaj Nivie» Alaksandr Azaraŭ, ułady pradali z aŭkcyjonu jaho aryštavanyja kvatery ŭ Minsku.
Adna ź ich — adnapakajoŭka płoščaj 30,6 m² na vulicy Karastajanavaj, dzie prapisany sam Azaraŭ. Hety aŭkcyjon pa sutnaści nie adbyŭsia. Źjaviŭsia tolki adzin achvotnik zabrać sabie žyllo, zabranaje ŭ haspadaroŭ. U vyniku jon zapłaciŭ 151 tysiaču rubloŭ ($54 tysiač pa kursie na toj dzień) i zabraŭ klučy.
U druhoj kvatery, dvuchpakajeŭcy płoščaj 52,7 m² na vulicy Skrypnikava, byli zarehistravanyja žonka Azarava i dźvie jaho niepaŭnaletnija dočki.
Na heta žyllo pakłali voka dźvie asoby. U vyniku jany razahnali canu z 220 tysiač rubloŭ da 231 tysiač rubloŭ. Heta kančatkovyja $82500.
Azaraŭ raskazvaje, što abiedźvie kvatery nabytyja padčas šlubu, to-bok pałova naležała jaho žoncy.
Taksama ŭ 2020‑m Azaraŭ nabyŭ na aŭkcyjonie ŭčastak ziamli ŭ Biełarusi, pra los jakoha jon ciapier ničoha nie viedaje. Heta 15 sotak pad Rakavam, dzie jon płanavaŭ pabudavać dom, užo byli padviedzienyja kamunikacyi — vada, kanalizacyja, śviatło. 7 žniŭnia 2020‑ha na tym učastku skončyli pracu pad zakładku fundamienta.
U vieraśni taho ž hoda Azaraŭ płanavaŭ zalivać fundamient, a ŭ 2021‑m siamja maryła zasialicca ŭ dom. Apošni raz jon čuŭ pra ŭčastak jakraz u 2021‑m — tady jamu pisali ź sielsavieta i patrabavali pabudavać dom da kanca hoda, abo ziamla budzie kanfiskavanaja.
Navinu pra prodaž kvater Azaraŭ pryniaŭ bieź lišnich emocyj: «Nie škaduju ni ab čym. Bo žyvu ŭ svabodnaj demakratyčnaj krainie, dzie ŭ mianie i dziaciej jość vialikija mahčymaści dla žyćcia i raźvićcia».
«Naša Niva» — bastyjon biełaruščyny
PADTRYMAĆCiapier čytajuć
Cichanoŭski: Cichanoŭskaj možna było ŭ 2020‑m nie pabajacca turmy. I, moža, u biełarusaŭ byŭ by šaniec114
Kamientary