Hramadstva11

«Karystajecca papularnaściu navat siarod nośbitaŭ inšych moŭ». IT-pradprymalnik zrabiŭ biełaruskamoŭnaha asistenta dla dalnabojščykaŭ

Maksim — biełaruski IT-pradprymalnik, viadomy taksama jak błohier Zły Dalnaboj. Siem hadoŭ tamu jon stvaryŭ mabilnuju prahramu «AntiBAG Tachohraf» dla kantrolu režymu pracy i adpačynku kiroŭcaŭ. A niadaŭna dadaŭ i ahučyŭ biełaruskuju viersiju prahramy. MOST pahavaryŭ z Maksimam pra toje, ci jość sens inviestavać u biełaruskamoŭnyja viersii.

Ideja stvaryć «AntiBAG Tachohraf» uźnikła, kali Maksim sam pracavaŭ kiroŭcam-mižnarodnikam. Za rulom vielikahruza jon sutyknuŭsia z šeraham niazručnaściaŭ.

— Mnie było niezrazumieła, čamu ŭ mižnarodnych pieravozkach — nastolki technałahičnaj śfiery — litaralna ŭsie kiroŭcy ličać režym pracy i adpačynku na papierkach. Jany ŭvieś čas pamylajucca ŭ padlikach i płaciać niemaleńkija štrafy, — raspaviadaje Maksim. — Dalnabojščykam treba pamiatać, kali pačaŭsia ich tydzień, kolki doŭžyŭsia pracoŭny dzień i inšyja niuansy, jakija rehłamientujucca pastanovaj ES № 561/2006. Transpartnaja inśpiekcyja sčytvaje danyja z ustanoŭlenaha ŭnutry mašyny tachohrafa i praviaraje ŭsio, što rabiŭ kiroŭca apošnija 28 dzion. Kali jon adpačyvaŭ chacia b na chvilinu mienš, to jaho aštrafujuć na sumu ad 500 da 1000 jeŭra.

Tady Maksim stvaryŭ prahramu, jakaja siońnia jość pamočnikam kiroŭcy. Ciapier kolkaść karystalnikaŭ składaje 117 tysiač pa ŭsioj Jeŭropie.

Sutnaść prahramy ŭ tym, što hałasavy asistent u fonavym režymie kaža kiroŭcu, što treba rabić. Akramia taho, prahrama pakazvaje maršrut, projdzienuju adlehłaść i chutkasnyja režymy, jak GPS-trekier. Kiroŭca zaŭsiody moža pahladzieć, dzie i ź jakoj chutkaściu jon prajazdžaŭ navat hod tamu.

Ciapier, jak adznačaje raspracoŭščyk, heta ŭžo vialiki šmatfunkcyjanalny miechanizm. Da taho ž u jaho dadali hałasavy pakiet na niekalkich movach. Ahučvańnie i pierakład asistenta rabili z dapamohaj niejrasietki.

«Maks, ty ž biełarus, čamu nie zrobiš ahučvańnie na biełaruskaj?»

Da niadaŭniaha času karystalniki mahli abrać adnu z čatyroch moŭ: ruskuju, ukrainskuju, anhlijskuju i polskuju. A ciapier prahrama stała i biełaruskamoŭnaj.

— Hałasavy asistent na biełaruskaj movie źjaviŭsia adnosna niadaŭna i zusim vypadkova, — tłumačyć Maksim. — Padčas čarhovaha subotniaha strymu na maim jutub-kanale padpisčyki spytali: «Maks, ty ž biełarus, čamu tady nie zrobiš ahučvańnie asistenta na biełaruskaj?» Hetaje pytańnie pastaviła mianie ŭ niajomkaje stanovišča.

Maksim byŭ nie suprać, chacia ideja nie zdavałasia vidavočnaj. Pa-pieršaje, uźnikła pytańnie: ci šmat ludziej razmaŭlaje na biełaruskaj movie i choča mieć pamočnika mienavita na joj? Pa-druhoje, Maksim sutyknuŭsia z prablemaj — adsutnaściu biełaruskamoŭnaj niejrasietki.

Pieršy čas jon sprabavaŭ znajści prafiesijnaha akciora ahučvańnia, ale paśla prośbaŭ padpisčykaŭ vyrašyŭ, što ŭsie 57 hałasavych błokaŭ ahučyć sam. I nie pamyliŭsia — prodaž prahramy značna vyras.

— Dziŭna, što biełaruskaje ahučvańnie karystajecca papularnaściu navat siarod nośbitaŭ inšych moŭ. Tamu ja chacieŭ by, kab našy mocnyja i talenavityja prahramisty ŭziali ź mianie prykład i rabili biełaruskuju łakalizacyju prahram, — kaža Maksim.

«Razmaŭlajuć try čałavieki, a łakalizacyja kaštuje dziasiatki tysiač dalaraŭ»

Zrešty, pradprymalnik razumieje, što dla hetaha jość zahvazdka — hrošy:

— Kali ŭ kampanijach prachodzić raźlik jakoj-niebudź pracy, śpiecyjalisty ličać umoŭna tak: «Kali my ciapier układziom 20 tysiač jeŭra ŭ łakalizacyju, to ŭ vyniku my nie zmožam na hetym zarabić». Čamu? Tamu što biełarusaŭ nie tak šmat i šmat chto vykarystoŭvaje ruskuju. Tamu ŭ vialikich IT-kampanijach na taki zapyt, vierahodna, adkažuć tak: «Jakaja biełaruskaja? Na hetaj movie razmaŭlajuć try čałavieki, a łakalizacyja kaštuje dziasiatki tysiač dalaraŭ. Ci akupiacca ŭ vyniku hetyja hrošy? Naŭrad ci».

Maksim hetaj łohiki nie padzialaje.

Ciapier jaho nievialikaja kamanda z troch čałaviek rychtuje novaje abnaŭleńnie z navihacyjaj. Jon kaža, što za siem hadoŭ isnavańnia «AntiBAG Tachohraf» kamanda vypuściła bolš za 150 abnaŭleńniaŭ, kožnaje ź jakich kaštuje ad 1 da 10 tysiač jeŭra. Ale zarabili bolš — kala miljona, choć ciapier hrošy ŭkładvajucca ŭ madernizacyju.

Kamientary1

  • žeŭžyk
    02.10.2023
    Mienavita pra hetaha Maksima - https://www.youtube.com/watch?v=6QB4GKsT_8E ("Błohier akazaŭsia ahientam režymu")
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Miunchienskaja pramova Vensa pra novuju palityku ZŠA i čakańni ad Jeŭropy — poŭny tekst17

Miunchienskaja pramova Vensa pra novuju palityku ZŠA i čakańni ad Jeŭropy — poŭny tekst

Usie naviny →
Usie naviny

Chto haniaje na kvadracykłach pa haradziščy na Miency?11

Duet Sw@da i Niczos ź pieśniaj na padlašskaj havorcy zaniaŭ na polskim adbory na «Jeŭrabačańnie» druhoje miesca11

«Płan, jak spynić Pucina i skončyć vajnu». Zialenski sustreŭsia ź vice-prezidentam ZŠA ŭ Miunchienie5

U Charkavie pastavili pomnik mastaku biełaruskaha pachodžańnia. Suviaź ź Biełaruśsiu zamoŭčvajecca15

Vens zajaviŭ, što jahonyja słovy pierakrucili — jon nie dapuskaje mahčymaści adpraŭki amierykanskich vojskaŭ va Ukrainu10

Bieły dom na dzień śviatoha Valancina vyrabiŭ valancinku z pahrozami5

Asvojvajcie VPN. Budziecie čytać niezaležnyja ŚMI i nie padstaŭlacca — padrabiazny hajd26

U Chabaraŭskim krai vypaŭ ź dziaviataha paviercha čynoŭnik, jaki krytykavaŭ rasijskuju armiju2

Były muž Cimanoŭskaj raskazaŭ, što viarnuŭsia ŭ Biełaruś jašče da vybaraŭ i prahałasavaŭ za Łukašenku28

bolš čytanych navin
bolš łajkanych navin

Miunchienskaja pramova Vensa pra novuju palityku ZŠA i čakańni ad Jeŭropy — poŭny tekst17

Miunchienskaja pramova Vensa pra novuju palityku ZŠA i čakańni ad Jeŭropy — poŭny tekst

Hałoŭnaje
Usie naviny →

Zaŭvaha:

 

 

 

 

Zakryć Paviedamić