«U adnym z samych prestyžnych rajonaŭ Minska ŭ malaŭničym cichim miescy mikrarajona Drazdy na terytoryi 15 sotak pradajecca elitny katedž z usioj technikaj i meblaj». Tak rekłamuje katedž pradaviec.
Pavodle abjavy, na ŭčastku doma zrobleny šmatuzroŭnievy łandšaftny dyzajn, jość sad, kłumby, chvojniki, listavyja drevy i chmyźniaki. Pracuje aŭtamatyčnaja sistema palivu.
Terytoryja vakoł doma pakryta hazonnaj travoj, jość aharod. Barbiekiu začyniajecca raletami, jość ladoŭnia i haračaja vada.
Płošča doma — 871 kv. m, žyłaja — 587 kv.m.
Katedž pabudavany pa indyvidualnym prajekcie. Videadamafon — na kožnym uzroŭni, jość achoŭnaja sihnalizacyja.
Azdableńnie vykananaje z darahich, sučasnych materyjałaŭ, piša pradaviec. Italjanskaja i ispanskaja plitka, łaminat, ustojlivy da drapin, mižpakajovyja dźviery ź vitražnym škłom, francuzskija špalery, vieniecyjanskaja tynkoŭka, italjanskija lustry, marmurovaja leśvica, kavanyja parenčy.
«U hetym domie jość usio, pra što vy maryli: nie tolki vialiki pryhožy dom, ale i miesca, dzie vy možacie adčuvać siabie kamfortna i ŭtulna, dzie vy možacie bavić čas sa svajoj siamjoj i siabrami, atrymlivać asałodu ad cišyni i spakoju, a taksama zabaŭlacca i zajmacca lubimym chobi», — piša pradaviec, dadajučy da vyhodaŭ «zyčlivych reśpiektabielnych susiedziaŭ».
Pradaviec acaniŭ katedž u 2,75 młn dalaraŭ.
Z kaminam, piłonam i sa śviatłamuzykaj. U Viciebsku pradajecca ŭnikalny haraž
U «Novaj Baravoj» źjaviacca kvatery płoščaj usiaho 20 «kvadrataŭ». Jakaja cana?
Jak za 10 hadoŭ źmianilisia ceny na nieruchomaść u Minsku: paraŭnoŭvajem, što pryniesła najbolšuju vyhadu
Samuju darahuju kvateru ŭ žniŭni pradali ŭ domie Čyža. Voś jak jana vyhladaje
Ciapier čytajuć
«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie19
Kamientary
voś kažuć - hetyja katedžy b pad dziciačy dom ci niešta padobnaje... tak - dobraja ideja. ale dzieci, kab nie vyraśli takimi, jak hetyja chuziajevy, musiać raści ŭ pryhožym hustoŭnym asiarodku