Novy albom Radyjo Niamiha ad biełaruskaha hurta Syndrom Samazvanca źjavicca ŭ siecivie 6 kastryčnika, ale ŭžo ciapier na Bandcamp možna zrabić pieradzamovu ličbavaj płytki, paviedamlajuć muzyki na svajoj staroncy ŭ fejsbuku.
«Siem pieraasensavanych piesień (časam davoli radykalna) z archivaŭ biełaruskaj niezaležnaj muzyki.
Viersija na Bandcamp uklučaje bonus — alternatyŭnuju viersiju «Šefa ŭ histerycy» Zastavajciesia na našych chvalach!
Pre-order: tut», — napisali muzyki.
Taksama jany raskazali, jak stvaraŭsia novy albom:
«Niedzie hod tamu my pajšli na Studyju 42 u Miensku, kab zapisać svaje viersii piesień biełaruskaj rok-sceny kanca XX stahodździa. Adciahvać nie było kudy, bo Uładziu treba było kłaścisia ŭ lakarniu. Rabili ŭsio chutka dy spantanna. Pakul naładžvali huk, pamianiali ŭ adnym miescy basovuju partyju, pisali pačkam bas, hitaru, barabany.
Naohuł pieraasensavać treki 90-ch nas prymusiŭ hurt Relikt — Belarus, jaki ŭ 22 hodzie vypuściŭ albom «Byli. Jość. Budziem». Uładź chadziŭ i jenčyŭ, maŭlaŭ, čamu jany pieraśpiavali tuju pieśniu, a nie tuju, a čamu tak, a jašče ž voś takoje jość i h.d. Ciarpieć nyćcio było niemahčyma, i ŭ vyniku Samazvancy pastanavili zrabić ułasnyja kaviery na lehiendarnyja hurty».
Syndrom Samazvanca — biełaruski hurt, jaki stvaraje muzyku na styku psichadeł-roku, panku i ńju kraftroku. U pačatku hetaha hoda ŭ hurta vyjšaŭ ekzistencyjny albom «Vostraŭ skarhaŭ».
Čytajcie taksama:
Vadanosava, Relikt, ZUJ i B:N. Abvieščana prahrama fiestyvalu «Bardauskaja Vosień 2023»
«Kab nie było darohi nazad». Hurt VOLSKI anansavaŭ albom «Listy palitviaźniam»
Samy papularny biełaruskamoŭny hurt u śviecie — chto hetyja chłopcy?
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary