U Litvie prapanujuć da troch hadoŭ pavialičyć termin humanitarnaha DNŽ
Ministr unutranych spraŭ Litvy Ahnie Biłatajcie zarehistravała papraŭku da zakona ab pravavym statusie zamiežnikaŭ, jakaja dazvolić vydavać dazvoł na žycharstva na bolš praciahły termin (3 hady) zamiežnikam, što nie mohuć viarnucca ŭ svaju krainu.
Hetaje stanovišča budzie raspaŭsiudžvacca na tych zamiežnikaŭ, jakija pieraśledujucca niedemakratyčnym režymam, cierpiać abo mohuć zaznać represii z boku hetaha režymu i tamu nie mohuć viarnucca ŭ krainu pachodžańnia, adznačajuć u litoŭskim MUS, piša reform.by.
Ciapier takim asobam, u asnoŭnym hramadzianam Biełarusi, vydajecca DNŽ terminam nie bolš za adzin hod. Ministr prapanuje pavialičyć hety termin da troch hadoŭ.
«Situacyja ŭ Biełarusi zastajecca niaźmiennaj. Biełarusy, jakija ratujucca ad represij z boku režymu, pa-raniejšamu nie mohuć biaśpiečna viarnucca ŭ svaju krainu. Naša prychilnaść akazańniu dapamohi biełaruskim hramadzianam zastajecca ćviordaj i budzie praciahvacca stolki, kolki spatrebicca. Z pryniaćciem inicyjavanych mnoju papravak biełarusam, jakija žyvuć u našaj krainie, uciekačam ad represij režymu, bolš nie pryjdziecca štohod padavać zajavu na praciah dazvołu na žycharstva, i nahruzka na Departamient mihracyi źnizicca», — skazała Biłatajcie.
Zaraz hramadzianam Biełarusi, jakija ratujucca ad pieraśledu ŭ Litvie, vydali bolš za 700 dazvołaŭ na časovaje pražyvańnie.
Na dumku ministarki, padaŭžeńnie terminu dziejańnia dazvołu na žycharstva dazvolić vyrašyć i inšuju prablemu, źviazanuju z vydačaj sapraŭdnaha prajaznoha dakumienta hetaj katehoryi zamiežnikaŭ, kali jany pa abjektyŭnych pryčynach nie mohuć atrymać prajazny dakumient u krainie pachodžańnia, bo pašpart zamiežnika vydajecca na toj ža termin, što i dazvoł na časovaje pražyvańnie.
Novaje pałažeńnie zakona prapanujecca raspaŭsiudzić na novyja i ŭžo najaŭnyja zajavy zamiežnikaŭ ab vydačy dazvołu na časovaje žycharstva, rašeńnie pa jakich nie było pryniata da ŭstupleńnia papraŭki ŭ siłu.
Ci adbiare Polšča humanitarnuju vizu abo humanitarny DNŽ, kali čałaviek pajedzie ŭ Biełaruś?
«Amal hadzinu prasiadzieŭ u čarzie». Jak biełarusy padavali źviestki pra DNŽ
«Mnie i paviedamlać u orhany nie pryjšłosia — kalehi «stukanuli». Biełarusy raskazali, što jany robiać z abaviazkam paviedamlać pra DNŽ i «karty palaka»
«Źbirać usie mahčymyja dokazy. Litaralna ŭsie». Jak biełarusy atrymlivajuć mižnarodnuju abaronu ŭ Polščy
Hajd pa lehalizacyi i «pašpartach zamiežnikaŭ» u Litvie i Polščy
Ciapier čytajuć
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka1
Kamientary