List z padziakaj ad kiraŭnictva Frunzienskaha RUUS Minska ŭručany načalniku adździeła achovy kampanii «Aryfłejm Kaśmietyks», jakaja zatrymała zładziejku.
Jak paviedamili ŭ adździele infarmacyi i hramadskich suviaziaŭ HUUS Minharvykankama,
u kastryčniku ŭ milicyju źviarnułasia žančyna z zajavaj, što, pakul jana znachodziłasia ŭ ofisie kaśmietyčnaj kampanii «Aryfłejm Kaśmietyks» na vulicy Biruzova, chtości skraŭ jaje kašalok.
Kali termin rasśledavańnia syšoŭ, a vinavataha znajści nie ŭdałosia, kryminalnuju spravu prypynili.
Zatrymać zładziejku, pryčym samastojna, zmahła načalnik adździeła achovy kampanii.
Jašče ŭ kastryčniku jana prahledzieła zapis kamiery nazirańnia i zapomniła prykmiety miarkujemaj zładziejki. Amal praz dva miesiacy taja viarnułasia ŭ ofis, mahčyma, dla čarhovaha złačynstva.
U chodzie razboru vyśvietliłasia, što zatrymanaja ŭ kastryčniku ŭčyniła kradziež jašče i ŭ Partyzanskim rajonie stalicy.
0
0
0
0
0
0
