Skrynšot videa minskaj milicyi
Supracoŭniki narkakantrolu Frunzienskaha RUUS stalicy z dokazami złačynstva zatrymali 15-hadovaha navučenca staličnaha kaledža, paviedamlaje «Milicyja Minska».
Jon byŭ zatrymany ŭ lesapałasie, dzie raźmiaściŭ u tajniku zakładku, u jakoj znachodziłasia bolš za try hramy miefiedronu.
Padletku ŭ miesiendžary pastupiła prapanova ab padpracoŭcy ŭ jakaści zakładčyka. Patencyjny pracadaŭca abiacaŭ lohkija i chutkija hrošy. Chłopčyk pahadziŭsia i pa zadańni kuratara zabraŭ z tajnika partyju narkotyku, jakuju pavinien byŭ padzialić na bolš drobnyja dozy i raspaŭsiudzić. Jon adpracavaŭ tolki try dni.
Zaviedziena kryminalnaja sprava za niezakonny abarot narkotykaŭ z metaj zbytu (č. 3 art. 328 KK, sankcyja praduhledžvaje da 15 hadoŭ źniavoleńnia). Adkaznaść pa hetym artykule pačynajecca z 14 hadoŭ.
Milicyja źviartaje ŭvahu baćkoŭ, što darosłyja ŭ sacyjalnych sietkach aktyŭna ŭklučajuć padletkaŭ u raspaŭsiud narkotykaŭ, zavablivajučy «lohkim zarobkam».
«Źviartajcie ŭvahu na toje, čym u volny čas zajmajucca vašy dzieci, z kim jany majuć znosiny, u tym liku ŭ internecie», — padkreślivajuć u milicyi.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)
a ja pomniu, s kakimi dovolnymi licami biežała milicija v les uničtožať konoplu