У Мінску затрымалі 15-гадовага закладчыка. Ён «адпрацаваў» усяго тры дні
Падлетак быў затрыманы ў лесапаласе, дзе размясціў у тайніку закладку, у якой знаходзілася больш за тры грамы мефедрону.
Супрацоўнікі наркакантролю Фрунзенскага РУУС сталіцы з доказамі злачынства затрымалі 15-гадовага навучэнца сталічнага каледжа, паведамляе «Міліцыя Мінска».
Ён быў затрыманы ў лесапаласе, дзе размясціў у тайніку закладку, у якой знаходзілася больш за тры грамы мефедрону.
Падлетку ў месенджары паступіла прапанова аб падпрацоўцы ў якасці закладчыка. Патэнцыйны працадаўца абяцаў лёгкія і хуткія грошы. Хлопчык пагадзіўся і па заданні куратара забраў з тайніка партыю наркотыку, якую павінен быў падзяліць на больш дробныя дозы і распаўсюдзіць. Ён адпрацаваў толькі тры дні.
Заведзена крымінальная справа за незаконны абарот наркотыкаў з мэтай збыту (ч. 3 арт. 328 КК, санкцыя прадугледжвае да 15 гадоў зняволення). Адказнасць па гэтым артыкуле пачынаецца з 14 гадоў.
Міліцыя звяртае ўвагу бацькоў, што дарослыя ў сацыяльных сетках актыўна ўключаюць падлеткаў у распаўсюд наркотыкаў, завабліваючы «лёгкім заробкам».
«Звяртайце ўвагу на тое, чым у вольны час займаюцца вашы дзеці, з кім яны маюць зносіны, у тым ліку ў інтэрнэце», — падкрэсліваюць у міліцыі.
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч9
Каментары
а я помню, с какими довольными лицами бежала милиция в лес уничтожать коноплю