ZŠA niezvyčajnym čynam dabilisia ad mieksikanskaha narkakartela zhortvańnia vytvorčaści

Jak piša The Wall Street Journal, mieksikanski kartel Sinałoa pad ciskam z boku pravaachoŭnych orhanaŭ Złučanych Štataŭ uvioŭ zabaronu na vytvorčaść i abarot fientaniłu na svajoj terytoryi.

Kartel Sinałoa (pa naźvie štata Mieksiki) byŭ viadučym eksparcioram narkotykaŭ u ZŠA, pačynajučy ad mieksikanskaha hierainu da kałumbijskaha kakainu i fientaniłu, jaki vyrablajecca z prekursoraŭ, što zavoziacca z Azii.

Rost niebiaśpieki

Mienavita fientanił staŭ samym niebiaśpiečnym narkotykam u ZŠA. U krainie ŭ 2021 hodzie dźvie treci śmierciaŭ ad pieradaziroŭki byli źviazanyja ź sintetyčnymi apijoidami, asnoŭny ź jakich — fientanił. Śmiarotnaść ad jaho, jak śćviardžaje vydańnie, začapiła ŭsie ŭzrostavyja hrupy nasielnictva, ale asabliva ludziej va ŭzroście 25-44 hadoŭ.

Rost papularnaści fientaniłu paŭpłyvaŭ na inšyja narkotyki. Stymulatary (kakain i mietamfietamin) i apijoidy stali vielmi raspaŭsiudžanaj kambinacyjaj. Ciapier fientanił jak sam pa sabie, tak i ŭ spałučeńni ź inšymi narkotykami raspaŭsiudziŭsia pa ŭsich kutkach nielehalnaha rynku narkotykaŭ.

Śmiarotnaść ad fientaniłu ŭ ZŠA stała amierykanskaj palityčnaj prablemaj. Niekatoryja respublikancy, u tym liku členy zakanadaŭčych schodaŭ i inšyja kandydaty na pasadu prezidenta, vystupajuć za adpraŭku amierykanskich vajskoŭcaŭ u Mieksiku dla baraćby sa złačynnymi hrupoŭkami, jakija zajmajucca handlem fientaniłam.

Tamu administracyja Bajdena padšturchoŭvaje ŭrad Mieksiki da bolš rašučych krokaŭ pa likvidacyi arhanizacyi, jakuju Złučanyja Štaty ličać najbolšaj u handli fientaniłam.

Žorstkija miery

Vytvorčaść i kantrabanda apijoidaŭ jość asnoŭnym zaniatkam dla značnaj kolkaści nasielnictva paŭnočna-zachodniaha rehijona Mieksiki (dzie znachodzicca i štat Sinałoa).

Dla taho, kab prymusić ludziej spynić vytvorčaść fientaniłu, narkakartel pajšoŭ na žorstkija miery, dziejničajučy pa pryncypie «spynisia ci pamry»: tych, chto nie padparadkoŭvajecca, zabivajuć.

Tak, u červieni hetaha hoda, kali pačałasia kampanija pa zabaronie vytvorčaści i handlu hetym narkotykam, na ŭskrainie stalicy štata — horadzie Kuljakan — byli znojdzienyja try cieły, absypanyja tabletkami hetaha narkotyku.

Rašeńnie ab zabaronie zychodziła ad hrupoŭki «Čapitas», jakoj kirujuć čatyry syny narkabarona Chaakina «El Čapa» Huzmana (Joaquín «El Chapo» Guzmán), jaki sam znachodzicca ŭ turmie. Hrupoŭka pajšła na taki krok paśla sieryi hučnych udaraŭ, jakija ŭ hetym hodzie byli joj naniesienyja.

Pavialičyć

Tak, u studzieni siłami biaśpieki Mieksiki byŭ zachopleny adzin z čatyroch synoŭ Huzmana — Avidya, jakija byŭ lidaram hrupoŭki. U krasaviku ZŠA vystavili abvinavačańnie čatyrom bratam Huzman i dvum dziasiatkam ich saŭdzielnikam.

A kiraŭnik Upraŭleńnia baraćby z narkotykami (DEA) zajaviŭ, što jaho supracoŭniki zdoleli praniknuć u kartel i atrymać «biesprecedentny dostup da samych vysokich uzroŭniaŭ arhanizacyi». U vieraśni Avidya Huzman byŭ ekstradavany ŭ ZŠA. I pa słovach hienieralnaha prakurora ZŠA, jon «nie budzie apošnim».

U kastryčniku za niekalki dzion da sustrečy dziaržsakratara ZŠA Entani Blinkiena i prezidenta Mieksiki Andresa Manuela Łopiesa Abradora, na jakoj abmiarkoŭvalisia stratehii baraćby ź niezakonnym abarotam i vytvorčaściu fientaniłu, u Kuljakanie zjavilisia baniery z zaklikam zabarony hetaha narkotyku:

«U Sinałoa prodaž, vytvorčaść, transpartavańnie abo luby vid biznesu, źviazany z rečyvam, viadomym jak fientanił, uklučajučy prodaž chimičnych praduktaŭ dla jaho vytvorčaści, nazaŭždy zabaronienyja, — abviaščali baniery. — Vy byli papiaredžanyja. Ščyra vašy, Čapitas».

Pavialičyć

Padobnyja baniery zjavilisia ŭ haradach susiedniaha štata — Sanora (Sonora), na miažy z ZŠA. Tam jany byli padpisananyja imiem inšaj hrupoŭki, sajuznaj Čapitas — Łos-Piełones (Los Pelones). A paźniej ich možna było ŭbačyć i ŭ pamiežnym horadzie Tychuana (Tijuana), jaki, pa słovach čynoŭnikaŭ, zjaŭlajecca asnoŭnym punktam uvozu fientaniłu ŭ ZŠA.

Što dalej

Jak piša vydańnie, lidary bandaŭ narkahandlaroŭ, vidać, zaniepakojenyja mahčymaściu aryštu i ekstradycyi, jak u vypadku Avidya Huzmana, u ZŠA. A niepasrednyja vytvorcy — prostyja žychary — napužanyja represijami z boku narkakartela.

U Sinałoa vyrasła kolkaść ludziej, jaki byli vykradzienyja ci źnikli bieź viestak. Bolšaść, jak adznačajuć pravaabaroncy, byli zadziejničanyja ŭ vytvorčaści fientaniłu i nie spynili svajoj dziejnaści paśla papiaredžańnia.

Ekśpierty adznačajuć, što raniej narkakancern, naadvarot, sam navučaŭ ludziej, jak vyrablać fientanił. Pytańnie, adnak, ci nadoŭha spyniłasia dziejnaść złačynnych hrupovak.

Čytajcie jašče:

Narkotyki dazvalajuć adkryć užo zakrytyja vokny mahčymaściaŭ dla navučańnia

U Minsku zatrymali taksista pad narkotykami

«Mianie znajšli na darozie biez kurtki, z rassunutymi nahami». Biełaruska, jakaja pakutavała ad narkazaležnaści, raskazała, jak jaje pieraadoleła

• 19
• 0
• 2
• 1
• 6
• 1
• 1
• 0