Siarhiej Botvič. Fota: sacsietki
Sud Kastryčnickaha rajona Hrodna vynies prysud picajoła haradzienskaj piceryi Siarhieju Botviču, abvinavaciŭšy jaho ŭ masavych biesparadkach pavodle č. 1 art. 293 Kryminalnaha kodeksa. Spravu razhladaŭ sudździa Uładzimir Paźniak, pradstaŭnikom abvinavačańnia byŭ Kraŭčuk, piša «Viasna».
Sudovy praces pačaŭsia jašče 16 maja i doŭžyŭsia da 25 žniŭnia. Prysud staŭ viadomy tolki zaraz.
Botviča zatrymali na pačatku studzienia — tady ŭ praŭładnych telehram-kanałach paviedamlałasia, što Siarhiej nibyta administravaŭ dvarovyja čaty, udzielničaŭ u pratesnych mitynhach i zaklikaŭ inšych udzielničać u ich, a taksama nibyta prymianiać hvałt u dačynieńni da milicyjantaŭ, dasłoŭna, «palić aŭtazaki».
Siarhiej u sudzie svaju vinu pryznaŭ častkova, a voś pradstaŭnik linhvistyčnaj ekśpiertyzy — dacentka kafiedry ruskaj fiłałohii miascovaha ŭniviersiteta patłumačyła sudu, što «pakinutyja im kamientary ŭ sukupnaści z kamientarami, raźmieščanymi da i paśla składzienych im tekstavych paviedamleńniaŭ, padachvočvajuć da novych vidaŭ pratestu, hrubaha i žorstkaha siłavoha ich vyrašeńnia».
Sud pryznačyŭ Botviču piać hadoŭ kałonii va ŭmovach uzmocnienaha režymu.
Čytajcie taksama:
Palitźniavolenaja Aksana Alaksiejeva vyjšła na volu
U Breście zatrymali karacista, nibyta za zdymki vajskovaj techniki
Suprać dvuch bratoŭ raspačali kryminalnuju spravu za abrazu Łukašenki. Adzin ź ich bujny biznesoŭca
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)