Ilustracyjny zdymak. Fota: «Naša Niva»
Pra hety vypadak ahienctvu «Minsk-Naviny» raspaviali ŭ prakuratury Partyzanskaha rajona stalicy.
Małady čałaviek byŭ pryzyŭnikom, raniej jon dvojčy atrymlivaŭ adterminoŭku praz stan zdaroŭja, ale ŭ studzieni 2023 hoda jaho pryznali prydatnym da prachodžańnia słužby ŭ reziervie. Chłopiec abskardžvaŭ hetaje rašeńnie ŭ sudzie, ale biespaśpiachova.
Tady chłopiec pasprabavaŭ adkasić ad vojska, skardziačysia na psichičnyja rasstrojstvy, ale jaho pryznali zdarovym. Jamu ŭručyli pozvu dla adpraŭki na słužbu, ale ŭ pryznačany čas jon tak i nie źjaviŭsia ŭ vajskovy kamisaryjat Partyzanskaha rajona. Zamiest hetaha małady čałaviek sabraŭ čamadan i nakiravaŭsia ŭ Hruziju.
Praź niekalki miesiacaŭ małady čałaviek viarnuŭsia ŭ Minsk. Maci paviedamiła chłopcu, što na jaho zaviali kryminalnuju spravu, a jaho abviaścili ŭ vyšuk. Tady, jak piša dziaržaŭnaje ahienctva, chłopiec pryjšoŭ u Partyzanski rajonny adździeł Śledčaha kamiteta pisać jaŭku z pavinnaj.
Chłopiec nidzie nie pracuje, raniej da kryminalnaj adkaznaści nie pryciahvaŭsia. Spravu na jaho zaviali pa č. 1 art. 435 KK («Uchileńnie ad mierapryjemstvaŭ pryzyvu na vajskovuju słužbu»). Pa im pahražaje da dvuch hadoŭ pazbaŭleńnia voli.
Da suda minčuka adpuścili pad paručalnictva.
