U sieradu ŭ Minsku prajšła tradycyjnaja akcyja salidarnaści z palitviaźniami i siemjami źnikłych u Biełarusi viadomych ludziej.
A 18‑j na Kastryčnickaj płoščy Minska prajšła akcyja salidarnaści z palitviaźniami i siemjami źnikłych u Biełarusi viadomych ludziej.
18:29
Akcyja skončyłasia, nikoha nie zatrymali.
18:16
Akcyja praciahvajecca. Udzielniki akcyi hukajuć «Žyvie Biełaruś», a milicyja — «Akcyja niezakonna, vy budziecie pryciahnutyja da adkaznaści».
Na płoščy zalili dniami katok, ludzi koŭzajucca na kańkach, haryć navahodniaja jełka.
Ale pakul nichto nie źbirajecca adstupać.
* * *
Na płoščy sabrałasia kala 60 čałaviek. Zapalili dva fajery, uźniali
Na płoščy — lidery moładzi Artur Fińkievič, Pavieł Juchnievič, Mikoła Dziemidzienka, Jaŭhien Afnahiel — jość pradstaŭniki ŭsich moładzievych ruchaŭ, lider AHP Anatol Labiedźka, palityki Lavon Barščeŭski, Viačasłaŭ Siŭčyk, pradprymalnik Aleś Makajeŭ, kaardynatar Chartyi'97 Andrej Sańnikaŭ i žurnalistka Iryna Chalip, žurnalist Valery Ščukin.
Amal kožny trymaje partret palitviaźnia, ludzi hukajuć: «Nie — palityčnamu teroru» i «Žyvie Biełaruś».
Siońnia ŭ Minsku vielmi chałodna, zaraz niedzie ‑18.
* * *
Čatyry hady kožny miesiac 16‑ha dnia prachodzić akcyja ŭ padtrymku palitviaźniaŭ i siemjaŭ źnikłych. U roznych haradach Biełarusi i zamiežža ludzi vychodziać na vulicy sa ściahami i partretami, kab pryzvać biełaruskija ŭłady da spynieńnia represij i da palityčnych źmienaŭ u krainie.
16 śniežnia akcyja «Salidarnaści» maje na mecie nahadać hramadstvu, što ŭ Biełarusi ŭsio jašče jość viaźni sumleńnia: heta vaŭkavyskija pradprymalniki Mikałaj Aŭtuchovič i Uładzimir Asipienka, a taksama aktyvist «Maładoha Frontu» Arciom Dubski. Taksama ŭ Biełarusi pa‑raniejšamu amal nie rasśledujucca spravy ab źniknieńni ŭ 1999‑2000 hh apazicyjnych lideraŭ Viktara Hančara, Juryja Zacharanki, Anatola Krasoŭskaha i žurnalista Dźmitryja Zavadskaha. U vykradańni hetych ludziej mižnarodnaja supolnaść padazraje vysokapastaŭlenych biełaruskich čynoŭnikaŭ.
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary