Na mahiloŭskaj abutkovaj fabrycy «Šahavita» masava zvalniajuć supracoŭnikaŭ
Z 10 kastryčnika na mahiloŭskaj abutkovaj fabrycy «Šahavita» ŭ suviazi z «aptymizacyjaj vytvorčaści» pačałosia skaračeńnie supracoŭnikaŭ. Jak paviedamili va ŭpraŭleńni pracy, zaniataści i sacyjalnaj abarony Mahiloŭskaha harvykankama, pra heta stała viadoma jašče sioleta ŭ žniŭni: pradpryjemstva nakiravała apaviaščeńnie ab skaračeńni 66 supracoŭnikaŭ, paviedamlaje Mogilevnewsby.
Krychu paźniej pieršapačatkovy śpis dapoŭnili proźviščy jašče šaści čałaviek, tamu zadumacca pra pošuk novaha miesca pracy pryjšłosia 72 supracoŭnikam fabryki (u tym liku 20 piensijanieram) z 331.
Orhany ŭłady śćviardžajuć, što ŭsim zvolnienym nibyta prapanavali dapamohu ŭ dalejšym pracaŭładkavańni, i dla pastanoŭki na ŭlik va ŭpraŭleńnie pa pracy, zaniataści i sacabaronie harvykankama źviarnulisia 16 byłych rabotnikaŭ «Šahavita». Im byli prapanavanyja varyjanty dalejšaha pracaŭładkavańnia z prachodžańniem pierapadrychtoŭki albo vykanańniem niekvalifikavanych rabot. 12 ź ich užo nibyta atrymali pracu na inšych mahiloŭskich pradpryjemstvach, a astatnija prachodziać papiaredni miedycynski ahlad.
Inšyja ž zvolnienyja rabotniki «Šahavity» «paličyli za lepšaje zaniacca pošukam pracy samastojna, a niekatoryja vyrašyli pačakać i krychu adpačyć, atrymaŭšy adpaviednyja vypłaty pry zvalnieńni».
Sama «Šahavita», jak śćviardžajecca, «pa-raniejšamu praciahvaje pracu paśla praviedzienaj aptymizacyi vytvorčych pracesaŭ».
Čamu kiraŭnikom svajoj Administracyi Łukašenka pastaviŭ Dźmitryja Krutoha? Jon moža stać pierajemnikam?3
Kamientary