На магілёўскай абутковай фабрыцы «Шагавіта» масава звальняюць супрацоўнікаў
З 10 кастрычніка на магілёўскай абутковай фабрыцы «Шагавіта» ў сувязі з «аптымізацыяй вытворчасці» пачалося скарачэнне супрацоўнікаў. Як паведамілі ва ўпраўленні працы, занятасці і сацыяльнай абароны Магілёўскага гарвыканкама, пра гэта стала вядома яшчэ сёлета ў жніўні: прадпрыемства накіравала апавяшчэнне аб скарачэнні 66 супрацоўнікаў, паведамляе Mogilevnewsby.
Крыху пазней першапачатковы спіс дапоўнілі прозвішчы яшчэ шасці чалавек, таму задумацца пра пошук новага месца працы прыйшлося 72 супрацоўнікам фабрыкі (у тым ліку 20 пенсіянерам) з 331.
Органы ўлады сцвярджаюць, што ўсім звольненым нібыта прапанавалі дапамогу ў далейшым працаўладкаванні, і для пастаноўкі на ўлік ва ўпраўленне па працы, занятасці і сацабароне гарвыканкама звярнуліся 16 былых работнікаў «Шагавіта». Ім былі прапанаваныя варыянты далейшага працаўладкавання з праходжаннем перападрыхтоўкі альбо выкананнем некваліфікаваных работ. 12 з іх ужо нібыта атрымалі працу на іншых магілёўскіх прадпрыемствах, а астатнія праходзяць папярэдні медыцынскі агляд.
Іншыя ж звольненыя работнікі «Шагавіты» «палічылі за лепшае заняцца пошукам працы самастойна, а некаторыя вырашылі пачакаць і крыху адпачыць, атрымаўшы адпаведныя выплаты пры звальненні».
Сама «Шагавіта», як сцвярджаецца, «па-ранейшаму працягвае працу пасля праведзенай аптымізацыі вытворчых працэсаў».
Цяпер чытаюць
Як рыхтаваўся візіт Ціханоўскай у Кіеў і чаму ён некалькі разоў пераносіўся14
Каментары
Отчего и не берет теперь никто эти ботинки.