U Iranie sotni tysiač čałaviek sabralisia na pachavańnie ŭpłyvovaha apazicyjnaha śviatara, ajatały Chasejna Ali Muntazery.
Pachavańnie prajšło ŭ iranskim relihijnym centry Kum. Žurnalistam ułady krainy zabaranili ŭdzielničać u cyrymonii, ale jość źviestki, što niekatorych z apazicyjanieraŭ ŭžo aryštavała palicyja. Prysutnyja skandavali: «Śmierć dyktataru!» i vykrykvali inšyja antyŭradavyja łozunhi.
Ajatała Muntazery pamior u niadzielu va ŭzroście 87 hadoŭ. Jon ličyŭsia architektaram isłamskaj revalucyi 1979 h., i byŭ hałoŭnym kandydatam u pierajemniki zasnavalnika isłamskaj respubliki ajatały Chamiejni, adnak pasvaryŭsia ź im niezadoŭha da śmierci Chamiejni ŭ 1989 hodzie.
Ź siońniašnim iranskim kiraŭnictvam Muntazery nie znajšoŭ supolnaj movy (u pryvatnaści, jon nazvaŭ pieravybrańnie prezidenta Machmuda Achmadziniežada machlarstvam), i apošnija hady žyŭ pad chatnim aryštam u horadzie Kum.
Lidery iranskaj apazicyi zaklikali svaich prychilnikaŭ prybyć u Kum na pachavańnie ajatały Muntazery, i abviaścili 21 śniežnia dniom nacyjanalnaj žałoby. Na zaklik addać apošnija ŭšanavańni ajatale‑dysidentu adhuknulisia tysiačy ludziej ź Isfahana, Nadžafabana i inšych haradoŭ.
Lider apazicyi Mirchasejn Musavi naviedaŭ u Kumie dom, dzie žyŭ Muntazery, i vykazaŭ spačuvańni jaho blizkim.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)