Rost zachvorvańnia na hryp u Biełarusi čakajecca ŭ studzieni-lutym
Pavodle prahnozaŭ śpiecyjalistaŭ, u Biełarusi buduć cyrkulavać virusy hrypu N1N1, H3N2.
Pa prahnozach epidemijołahaŭ, uzdym zachvorvańnia na hryp u našaj krainie čakajecca ŭ studzieni-lutym 2024 h. Pry hetym chvornaść budzie vyšejšaj, čym letaś, kali ludzi ŭ asnoŭnym chvareli na COVID-19. Pra heta paviedamiŭ 20 listapada žurnalistam namieśnik ministra achovy zdaroŭja — hałoŭny dziaržaŭny sanitarny doktar Biełarusi Alaksandr Tarasienka, pišuć «Minsk-Naviny».
A. Tarasienka zaŭvažyŭ, što, pavodle prahnozaŭ śpiecyjalistaŭ, u Biełarusi buduć cyrkulavać virusy hrypu N1N1, H3N2.
— Darečy, hetyja štamy (N1N1, H3N2) uvachodziać u skład supraćhrypoznych vakcyn, jakimi pryščaplajuć darosłych i dziaciej u Biełarusi, — adznačyŭ A.Tarasienka.
Pavodle jaho słoŭ, vakcynacyja suprać hrypu ŭ našaj krainie dastupnaja va ŭsich abłaściach (aficyjna kampanija pa vakcynacyi suprać hrypu ŭ Biełarusi pradoŭžycca da śniežnia).
— U pieršuju čarhu rekamiendavana zrabić pryščepki dzieciam va ŭzroście ad 6 miesiacaŭ da 3 hadoŭ, asobam starejšym za 65 hadoŭ, ludziam z chraničnymi zachvorvańniami, miedycynskim rabotnikam i rabotnikam farmaceŭtyčnaj haliny, a taksama pastajalcam damoŭ-internataŭ, — dadaŭ A. Tarasienka.
U Minsku pryščapicca suprać hrypu možna va ŭsich dziciačych i darosłych paliklinikach, a taksama ŭ bujnych pryvatnych miedycynskich centrach. Akramia taho, miedyki vyjazdžajuć u arhanizavanyja kalektyvy, dzie pravodziać vakcynacyju supracoŭnikaŭ.
Kandydat u prezidenty ad kamunistaŭ zaklikaje zabrać i padzialić majomaść apazicyjanieraŭ24
Kamientary