-380 hradusaŭ! U Kazachstanie žycharoŭ napužali papiaredžańniem pra marazy niečuvanaj surovaści
Mnohija žychary Paŭnočna-Kazachstanskaj vobłaści 8 śniežnia atrymali praz SMS paviedamleńnie ad miascovych rataŭnikoŭ, što ŭ hety dzień na terytoryi vobłaści čakajecca mocny maroz, až da minus 380 hradusaŭ, paviedamiła Tengrinews.kz.
Nieŭzabavie vyjaviłasia, adnak, što ŭsio tłumačyłasia zvyčajnaj pamyłkaj. U pres-słužbie mabilnaha apieratara Tele2, jaki razasłaŭ hetyja paviedamleńni, adznačyli, što ŭ peŭnuju słužbu sotavaha apieratara prychodziać zapyty ad Departamienta nadzvyčajnych situacyj Kazachstana, jaki infarmuje žycharoŭ roznych rehijonaŭ pra źmieny va ŭmovach nadvorja.
«U dadzienym kankretnym vypadku adbyłasia techničnaja pamyłka. U rassyłcy značok hradusa (°) byŭ zamienieny na 0. Paśla vyjaŭleńnia niekarektnaj ličby ŭsim abanientam rehijonu, kudy pryjšli mocnyja marazy, było adpraŭlena vypraŭlenaje paviedamleńnie», — patłumačyŭ situacyju mabilny apieratar.
Zrešty, navat bieź lišniaha nula marazy mieli być mocnyja — da -38°C.
Što da tempieraturnaha rekorda, jaki byŭ realna zafiksavany ŭ śviecie, to najbolš nizkaj tempieraturaj na hety momant ličycca -91,2. Stolki termomietry pakazali 3 žniŭnia 2004 hoda kala japonskaj stancyi Kupał Fudzi ŭ Antarktydzie.
Čytajcie taksama:
U paniadziełak u Biełaruś z Zachodniaj Jeŭropy pryjdzie adliha
«Kali varona hołas padaje — da adlihi». Što takoje Pilipaŭski post i što padčas jaho rabić
U Breście adkryli «ŭnikalnuju» koŭzanku, ale jana rasčaravała
Ciapier čytajuć
«Pamiery pałochajuć». Jak vyhladaje znutry novaadkryty handlovy centr u «Minsk-Śviecie» FOTY13
Kamientary