Padstavaj stała adkryćcio 1 listapada čarhovaj kryminalnaj spravy ŭ dačynieńni da viadomaha pravaabaroncy (artykuł 361-4 KK «inšaje sadziejničańnie ekstremisckaj dziejnaści»).
«Jakoje dačynieńnie moj učastak maje da «złačynstva», u jakim mianie padazrajuć łukašysty? Ja, viadoma, nakiravaŭ zapyt u rajonny Śledčy kamitet, jaki viadzie suprać mianie spravu, kab prysłali na elektronnuju poštu pastanovu ab tym, što źjaŭlajecca padstavaj dla aryštu majoj ziamli. Užo miesiac prajšoŭ i adkazu ja nie atrymaŭ. Jany maŭčać. Hety aryšt dla mianie ničoha nie značyć. Ja jak karystaŭsia svajoj ziamloj, tak i budu karystacca…», — prakamientavaŭ u razmovie z vydańniem «Chartyja'97» situacyju Leanid Sudalenka.
U kamientary «Štodniu» jon dadaŭ: «Ja nie viedaju, jakoje dačynieńnie moža mieć ziamla da taho, u čym mianie sprabujuć abvinavacić? Składvajecca ŭražańnie, što heta banalnaja pomsta, źjechaŭ, nie zamaŭčaŭ, dyk atrymaj! A zakon u krainie siońnia sam pa sabie. Ziamla ŭ mianie ŭ pažyćciovym spadčynnym vałodańni!»
Leanid Sudalenka — palitviazień, kiraŭnik likvidavanaha ŭładami Homielskaha adździaleńnia Pravaabarončaha centru «Viasna». Bolš za 20 hadoŭ zajmajecca pravaabarončaj dziejnaściu, aŭtar traciny z usich skarhaŭ na Biełaruś u Kamitecie AAN pa pravach čałavieka, łaŭreat ordena «Svaboda — roŭnaść — braterstva» Francuzskaj Respubliki. Pravaabaronca dapamahaŭ pisać skarhi zatrymanym padčas akcyj pratestu, abaraniaŭ u sudzie zvolnienych «za palityku» rabočych. Paśla padziej 2020 hoda byŭ abvinavačany ŭ parušeńni narodnaha art. 342 KK «Arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich», u vyniku čaho jaho pazbavili voli na try hady va ŭmovach kałonii ahulnaha režymu. U žniŭni 2023, adrazu pa vychadzie z kałonii, byŭ vymušany źjechać za miažu.
Ciapier čytajuć
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii20
Namieśnikam kiraŭnika Administracyi prezidenta staŭ ćvierdałoby Muraviejka, a Hienštab uznačaliŭ hienierał, jaki nie vučyŭsia ŭ Rasii
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1616
Kamientary