U Babrujsku znosiać budynak sa znakamitaj mazaikaj. Pietycyja nie dapamahła
U Babrujsku prystupili da znosu staroha korpusa balnicy, jaki ŭpryhožvała mazaika biełaruskaha mastaka Siamiona Abramava. Niahledziačy na pratesty haradžan, jakija chacieli vyratavać kulturnuju spadčynu, tvor mastactva ŭsio adno pajšoŭ pad znos.
Kamientary z hetaj nahody ŭ sacsietkach poŭnyja škadavańnia i abureńnia. Stvaralnik mazaiki taksama škaduje ab stracie hetaha tvora mastactva. Ale jon pryznaje, što zachavać pracu — źniać jaje, pieranieści ŭ inšaje miesca — było b vielmi doraha.
Kali źjaviłasia navina pra znos korpusa, biełarusy stvaryli pietycyju, kab spynić źniščeńnie mazaiki. U pietycyi prapanoŭvali pieranieści mazaičnaje pałatno na inšaje miesca abo ŭ muziejnyja fondy.
«Biełaruskaje zakanadaŭstva nie praduhledžvaje źniščeńnia tvoraŭ mastactva, bo heta pa pramym vyznačeńni źjaŭlajecca varvarstvam. Varvarstvu nie miesca ŭ Babrujsku!» — pisali stvaralniki pietycyi.
Ministerstva kultury dało na pietycyju adkaz, u jakim skazała, što «Pałažeńniem ab paradku stvareńnia (rekanstrukcyi) i pryjomki tvoraŭ manumientalnaha i manumientalna-dekaratyŭnaha mastactva… nie rehuluje pytańnia ab demantažy tvoraŭ mastactva».
Viedamstva nakiravała list miascovym orhanam ułady, u čyju kampietencyju ŭvachodziać rašeńni pa rekanstrukcyi hetaha tvora mastactva. I jany rašeńnie pryniali.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1212
Kamientary