Staršynia Biełteleradyjokampanii Ivan Ejsmant sabraŭsia ŭ deputaty, ale nie ŭ Pałatu pradstaŭnikoŭ, a ŭ Minski haradski saviet.
Ivan Ejsmant — muž Natalli Ejsmant, pres-sakratarki Alaksandra Łukašenki.
Jon źbiraje podpisy ŭ svaju padtrymku na Sievastopalskaj akruzie № 52. U jaje ŭklučanyja niekatoryja damy z praśpiekta Niezaležnaści, vulic Kalinoŭskaha, Filimonava, Kiedyški. Heta vakolicy Biełteleradyjokampanii, ale hałoŭny ofis arhanizacyi niepasredna nie traplaje ŭ akruhu Ejsmanta.
A žyvie kiraŭnik BT uvohule na inšym kancy horada, u elitnym kompleksie «Alimpik-Park».
Patencyjny supiernik u Ejsmanta pakul tolki adzin — kiraŭnik Pieršamajskaha rajonnaha Zielanbuda Siarhiej Navumčyk.
Deputaty Minharsavieta nie zvalniajucca z raniejšych miescaŭ pracy i nie atrymlivajuć zarobak. Heta svojeasablivaja sacyjalnaja nahruzka.
