Jak valsiravali Dźmitryj Baskaŭ i Natalla Ejsmant na navahodnim bali Łukašenki
Mnohija ŭdzielniki, asabliva žanatyja, viedali, što ich zdymaje kamiera, i tamu valsiravali partniorak vyciahnutymi rukami, na dystancyi ŭ niekalki ministerskich žyvatoŭ. Ale była para, jakaja demanstratyŭna nie pierajmałasia ciažkimi paślabalnymi razmovami. Dźmitryj Baskaŭ trymaŭ u svaich rukach Natallu Ejsmant upeŭniena, nibyta klušku na chakiejnym katku. Raniej jany raśpivali tannaje vino ŭ minskich dvarach, a ciapier pranikniona tancujuć vienski vals na pryjomie ŭ Łukašenki.
Kali b na biezymiennym palcy pres-sakratarki Alaksandra Łukašenki byŭ šlubny piarścionak, jon by adlustrovaŭ pa zali soniečnych zajčykaŭ, tamu što Baskaŭ źziaŭ safitam, madellu artadantałahičnaj vitryny.
Biasščylinnaja sukienka pres-sakratarki nie davała palcam chakieista začapicca, jak pradpisvaje etykiet valsa, u rajonie łapatki, tamu dałoń saślizhvała da toj miažy, na jakoj prystojnaja žančyna b pačyrvanieła.
A ŭ najbolš trapiatkija momanty tanca pamiž ciełami partnioraŭ nie ŭcisnułasia b i PR-73.
Para Baskaŭ-Ejsmant źjaviłasia ŭ videa «Puła pieršaha» stolki ž raz, kolki i arhanizatar mierapryjemstva — 5.
Bujnyja płany Ejsmant kali i nie adbirała, pa pravie načalnicy, asabista, to dakładna pierahladała i adabrała na publikacyju ŭ «Pule pieršaha».
Intryhan ubačyŭ by ŭ hetym niejki znak, tym bolš muž damy — budučy deputat Minharsavieta Ivan Ejsmant — taksama piarścionak na ruce nasić pierastaŭ, sastupajučy darohu sienataru Baskavu.
-
Pamior biznesmien z 90-ch Alaksandr Smancar. Heta jon u 2010 zvaniŭ Statkieviču na Płošču i zaklikaŭ «siadać u kresła Sidorskaha»
-
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier
-
Niamiecki deputat, jaki maje pad Lidaj firmu pa pierapracoŭcy cybuli, vyklikaŭ palicyju na žurnalistaŭ i byłoha biełaruskaha viaźnia
Kamientary